[زاهية بنت البحر]

[poem=font=",6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
قلَّلا ياأمِّي طوَّلِ اغْيابو=معقولْ بيِّي ينسى أحبابو؟
من مدِّي صَرْلو مابَعتْ مِرسَالْ=ومامنُّو إلا ريحةِ تْيابو
يامِّي قميصو معلَّقِ وْناطِرْ=عمْ يسألِ بصمتو عنِ الهاجرْ
محتارْ مثلي وعا البعدْ حاسرْ = قولِكْ ياإمِّي حَسّْ بِمصابو؟
بشوفِ الوردْ هازَّرْعِتو إيديه= بجنينتي وبحِنْ يامِّي عليهْ
سقيتوا بإيدي وبُوَّسِتْ خدِّيهْ= مسكينْ عم بيهر عا ترابو
مشتاقْ يامِّي بُوسْ ديَّاتو= وصبِّح ْعيوني بنورْ بَسماتو
دَخلَكْ ياألله ماحْلى طلاتو= لمَّا عا غفلي بلمحِ اصحابو
احكي لو يامِّي وطّوِّلي المكتوبْ=بلكي بيرقِ ا شوي هالمحبوبْ
ماعاد فيني حيلْ عمَّا دُ وْبْ=قولي لو إبنك قرَّبِ اغيابو
مابدِّي منو مالْ يسعدني=ومابدي منُّوهديِّه تفرحني
وحدو ياإمي بسِ مِستني=قولي لو عجِّلِ دقّ عابوابو
مشغووول بالي عليه شو مشغوول=وياخوفي لو كانِ البعدْ حا يطوولْ
بعدي ياإمِّي زغيَّرِومسؤوولْ =إبقى أنا الرِّجالْ بغيابو
بفرحْ ياإمِّي بس يتبسَّم= ومابريدو مرَّه بهلْ عمرْ يِئلَمْ
لَك كيفْ قادرْهوِّي يتعلَّم=ينسى الحبيبِ العمرو عاحسابو
ناسيني؟!مابصدِّق قِدِرْ ينسى=أوجابْ قلب ِجديد تايئسى
منْ دمّ شريانو إلي حصَّه =منو أنا والبعدْ شونابو؟
كرمالْ ألله ماتقولي لو= شو بخافِ يبكي متلي بليلو
لكن بهمسة ِحب نادي لو= بلكي اليمام بترجعْ سرابو
حطي الزهر جوات مكتوبي=بيذكرو فينا لمحبوبي
بلكي عادمعاتي اللي مسكوبي=بيرجع مع المرسال وجوابو
إنْ جا يَإمِّي رجِّعي البسماتْ=وان ما إجا طفلكْ حبيبكْ ماتْ
أوعي ياإمِّي تْرخّصي الدَّمعات= خليه يبكي الدَّمْ بمصابو
لوما الحيا مابقولْ عندي بَيّ= لو كان ناسيني ياإمِّي شويْ
وحدي ياإمي طفلْ والله خطيْ= وهوِّي مع الخلانْ وصحابو
سِكِّيِنتو هلْ غارِزا بقلبي = مسنوني يامِّي اسما المحبِّي
ياريتْ فيني إءسى ياربِّي=تارجِّعِ السِّكين عا قلابو[/poem]