[ناجية عامر]

لْساني ْتلعثم

ما جبرت ما نقول

حاولت نفهم

دخلت سوق َلغزَلْ

نتمشى و نتجول

بين خيوط الصوف

الكلام الصحيح تلوث

عاد كذوب و هتوفْ

الصافي و المخلط

عاملين صفوف صفوف

وقعت ف حيرة من أمري

تهتْ ف دروب المحنة نخممْ

على الخواضْ ما قدرت نتكلمْ

غاب علينا الصدق

و هجرتنا المحنة

العامل يديه ف القاع يعزوه

الهارب منو يفرزوه

فينكم يا آصحاب الحكمة

نطقوا و قولو شي كلمة

الخواض بلغ القمة

بلا خوف يصول و يجولْ

و الشغل النقي في السوق

عاد اليوم مشلولْْْ

نتمناو السحابة تزولْ

تزول معها الغمة

تعود البسمة

كيف زمان

و الهمة و الشان