[ميساء البشيتي]

ايمن ليش ما بدك تعمل القهوة

كسول يعني لا سمح الله .. ههههههههه

والا ما بتعرف ؟؟؟؟؟

قول أيمن أعترف .. ههههههههههه

خلص أنا بعلمك لكن على فكرة أيمن أنا ما بحب أشرب القهوة غير من ايدي

يعني ساعات البنات بيعملوا القهوة وبتكون زاكية كتير لكن انا بعمل القهوة بطريقتي

واصلا هي المتعة لما اعملها أنا وأشم رائحتها وهي عالنار وهي بتغلي وأحاول ما يطير الوش تاعها

لأنه احنا عنا المقادسة يعني أهل القدس عيب نقدم القهوة للضيف بدون وش كأنها قهوة بايتة

عند الشوام ما بيقدموا القهوة بوش .. ما بيصير عندهم بس ما بعرف ليش ..

الحفاظ على وش القهوة موضوع مش بسيط لأنه لازم العيارات تكون صحيحة وتضل بجانب القهوة

وهي على النار وتفورها كذا مرة دون ما يروح الوش شيتها وانا المشكلة ما بشرب الا كل فنجان لحاله

يعني كل شوي بعمل فنجان واحد بنفس الطريقة وبصبه بفنجان مختلف عن الآخر يعني فنجان أسود

فنجان أبيض .. فنجان ذهبي .. فنجان كحلي وهم عدد فناجيني باليوم وبحس شيء ناقصني لو خربشت

عدد الفناجين أو شكلهم او ترتيبهم .. فلذلك قهوتي انا صعب اي حدا يعملها على مزاجي ويسكبها على مزاجي

ههههههههههههههه .. فانت ايمن معفي من صنع القهوة لكنك مدعو لشربها معي لأني حسبت حسابك بفنجان مميز

اهلا وسهلا ايمن واهلا وسهلا بالجميع وصباحكم زي العسل وجمعتكم مباركة وطيبة ان شاء الله