[ضياء الدين البري]

السلام عليكم .. مجرد رأي

يتوه المعني ف عيونك
……
وليه الحزن جواكي
ينادي الدمع في عنيكي
يسبب لك أسي وحرمان
ويتمخترعلي جبينك
ينسـِّيكي
ليالي زمان
ليالي عشتي جوّاها
وعايشاكي
وعايشاها
وكات الفرحه بتجيكي
وكنا نعيشها جوّانا
نهنيكي
ننسِّـيكي
حروف قاسيه وعصياكي
وكنتي ف لحظه تعصيها
وترميها
في قبر حدوده غرقانه
في بحر شطوطه م النسيان
خساره تكوني حزنانه
وطعم الحزن شكله يـبان
علي خدودك
يتوه المعني ف عيونك
تشوفي الدنيا نعسانه
حروفها الشارده تبْـكيكي
تخليكي
تعيشي لحظه م التوهان
ياريت تفتكري تنسيها
وتنسي الدمع ف عنيها
أشوف الحنه ف إيديكي
وتاج العرس بيزينك
وكل الدنيا بتزفك
وفرحانه ف كل أوان
لأنك وانتي في حسنك
ماشوف زيّك ولا إنسان
ولا شافوا الجفا منِّك
برغم الغيبه والنسيان
وطول عمرك
ينادي الليل قناديلك
ياسايعه الكل في قلبك
ياغاليه قولي مين زيك
يناجي الأهل والخلان

أشكركم
وللجميع تحياتي