[مرفت محمد فايد]

حرفك دليل مرثية المهندس عمرو عطية / استشاري نظم المعلومات بالهيئة القومية لضمان جودة التعليم

و مسافر فيضك

و إنت اللي السِر معاك

و الطيف مستاني في أركانا

و في دفاترنا

و كلامك مرسوم في حوارنا

وحَدانا الحلم اللي حلمته

وحَدانا البيت اللي بنيته

و فضلت تغامر و اتحقق

علي قد عزيمتك إيديته

و الحلم ح يفضل يكبر

و أنت ح تفضل في قلوبنا

بلبل في سمانا

و لسه عايش جوانا

بلبل و معشش في شجرنا

بيفتح بالشمس نهارنا

*************
ما هي فضلت روحك

تغزل بكره جميل

و انت اللي شربت الطهر ، الخير

من قلب النيل

و انت اللي حضنت الأرض الحلوة

و خضر حلمك في براحنا

نبعد و نتوه

نلاقاك ضلة

نلاقيك في حروفنا و في الضلمة نور و دليل

نلاقيك في حروفنا

و ف الضلمة

نور و دليل