[ميساء البشيتي]

مريت بالشوارع ... شوارع القدس العتيقة

قدام الدكاكين ... البقيت من فلسطين

حكينا سوى الخبرية و عطيوني مزهرية

قالوا لي هيدي هدية من الناس الناطرين

و مشيت بالشوارع ... شوارع القدس العتيقة

اوقف عباب بواب صارت و صرنا صحاب

وعينيهن الحزينة من طاقة المدينة

تاخدني و توديني بغربة العذاب

كان في أرض و كان في ايدين عم بتعمر تحت الشمس و تحت الريح

و صار في بيوت و صار في شبابيك عم بتزهر صار في ولاد و بايديهم في كتاب

و بليل كلو ليل سال الحقد بفية البيوت

و الايدين السودا خلعت البواب و صارت البيوت بلا صحاب

بينن و بين بيوتن فاصل الشوك و النار و الايدين السودا

عم صرخ بالشوارع ... شوارع القدس العتيقة

خلي الغنيي تصير عواصف و هدير

يا صوتي ضلك طاير زوبع بهالضماير

خبرهن عللي صاير بلكي بيوعى الضمير


هذه الأغنية بتذكرني أول ما طلعنا من البلاد كنا أنا وأخواتي نعمل مسرح بالبيت

ونوقف نغني .. كل واحدة توقف بزاوية معينة عا أساس يطلع الصوت من أكثر من مكان

يمكن كان بدنا نعمل زي الصدى أو هيك شيء .. كانت هذه الأغنية بشكل يومي نغنيها

بحبها كتير وببكي كل ما بسمعها وهلأ نزلت دموعي

يا صوتي ضلك طاير زوبع بها الضماير ... !!!!!!!!!!!!!! ؟؟؟؟؟؟؟؟؟؟؟؟؟؟؟؟؟