دوري كمان يا مروحــــــــــــــه
من عند سطح الحيطه فـــــــــوق
لا هواكي جايب رحرحــــــــــه
ولا حر خلـــَّى عنــــــــدُه ذوق
م الصبح ولبــعد الضـُحَــــــــىَ
هاجـِم علينا وكلـُه شـــــــــــوق
يجعل قلوبنـا موَّحْوَّحــَـــــــــه
والجسم تملاه الحـــــــــــــروق
كل البيبان متفتـَّحـــــــــــــــــه
والصهـْـــد هابـِــب م الحيطان
أ ُمَّال هنعمِل إيـــه بقـــــــــىَ
في جهنم المليانه نــــــــــــار
دا احنا شوَّية فأفــــــــــــــأه
خلـُّونا نـُصْرُخ ليــل نهـــار
ساعة الحساب يوم اللـُّقـَــى
إما في نار مِتـْعتـَّقـــــــــــه
أو جنه فيها الحور كـُتـــار
ويا بختـُه من راح والتقـَـىَ
في الجنه له إسم ومكــــان
فاضِل ونطـْلع م الهــــــــدوم
أ ُمـَّال هنعمل إيه ف سقــَــر
فيها اللهيب خالد يــــــــــدوم
لا فيها نيل جايبُه المطـــــــر
علشان نطفـِّي نارنا عـُـــــوم
ولا فيه محيط أو حتـى بحـر
يبعت لنا شوَّية نسيـــــــــــم
يعني احنا دايمًا في الخطـر
في النار مفيش تكييف هـوَّا
كل اللي يدخل يتشـَــــــوَى
ويقمَّرُوه زي الرغيـــــــــف
لا تقولي مـــــــرهم أو دوَّا
ينفع في جـِلـْد اللي انكــــوى
ويخلي حرْقـُه يكون خفيـــف
والنار تفور ما بترتــــــــوَّىَ
يبقــــى احنا لازم نِبتِـــــدي
نمشي ف حياتنا ونِقـْتِـــــــدي
بالسُنـَّه م الهادي الحبيــــــب
نبعِد عن الفِعْل الــــــــــردِي
وبكلمِة الله نِهـْتِــــــــــــــدي
ننعم بأنهار الحليــــــــــــب
في جنه مفهاش مُعتــــــــدي
فيها السعاده والأمــــــــــان