[د. ناصر شافعي]

[align=center][table1="width:85%;background-color:orangered;border:4px solid darkred;"][cell="filter:;"][align=center]

جبار
للشاعر الغنائي الراحل : حسين السيد


جبار
في رقته جبار

جبار
في قسوته جبار

خدعتنى ضحكته
وخانتنى دمعته

وماكنتش اعرف قبل النهارده ان العيون دى
تقدر تخون بالشكل ده
وماكنتش اعرف قبل النهارده
ان الحنان يقدر يهون بالشكل ده
جبار

عرفته قد ماعرفته وماعرفتوش
وشفته قد ماشفته ولا فهمتوش
كل بيقولى بحبك
ايوه كان بيقول
وانا من لهفه قلبي صدقته
صدقته على طول

كنت اشوف واسمع واحس بقلبه هو
كنت عايش مش عشانى عشانو هو

يا معلمنى الحب ياريتنى ماتعلته
معاك ولا شفته
ليه تخدعنى ليه
ليه خلتنى انسى الدنيا واعيش بحلاوته

ده مكانش فيه اتنين زينا
شافو اللى شفناه في حبنا
الحلم كنا بنحلمه
ونكمله من بعضنا

ليه؟
ليه تصحينى في وسط الجنه بنار ودموع
كنت ارحمنى وسيبنى شويه اعيش مخدوع

قلبي يقول للحب ابعد عن طريقي
اى حب جديد ياويله من حريقي

لو هاصادف قلب مخلص مش هامن له واصونه
وان ضحك في عينيا هاضحك واخدعه ويمكن اخونه

زى غيرنا ماباع نبيع عمر الهوى وعهده
زى قلبي ماضاع تضيع كل القلوب بعده

ولا اقولك .. لا يا قلبي
ليه نلوم على الحب ليه
دا اللى خانك خان شباب الحب
خانه وجار عليه
يعنى انا والحب وانت كنا لعبه
كنا لعبه بين ايديه

وماكنتش اعرف قبل النهارده ..
ان العيون دى تعرف تخون بالشكل ده
ولا كنت اصدق قبل النهارده ..
ان الحنان يقدر يهون بالشكل ده
جبار

[/align][/cell][/table1][/align]