ليه يا بلاد الإندوجــــــــــــــو
قسِّمتوا وادي النيل نـُصِّيــــن
ليه اتفقتوا وحديكــــــــــــــو
شدِّيتوا ليه مِنـَّا إديكـــــــــو
واحنا اللي كنا متفـْقيـــــــن
الميَّه دي لينا وليكـــــــــــو
ليه يبقى بينـَّا ناس تانييــن
عاوزين تعيدوا التقـْسِيمـــــه
وتـْعَدِّلوا لاتفاقيــــــــــــــــــه
لو قل منينا الميَّــــــــــــــــه
لازم تكون نفـْس القيمـــــه
وإلا تبقوم حراميـــــــــــــه
بتزؤُكـُم دوله لئيمـــــــــــه
وبتدِّي من تحت الإسْفيـــن
ليه إسرائيل تـُدْخـُل بينـَّــــا
وتصدَّقوها ف أكاذيبهــــــا
لا عُمرها هتكون مِنـَّـــــــا
ولا اللي بيصيبنا يصيبهـــا
كل اللي عاوزاه تِحْرمْنــــــا
م الميَّه علشان تِخـْربهــــــــا
بس احنا ناس اتعلمنـــــــــــا
وعن حقـِّنا محناش غافليــــن
طول عُمْر وادي النيل في أمان
كل البلاد فيه مأمونــــــــــــــه
في أرضنا بيجري الشريــــان
والميَّه منه بتحْيينــــــــــــــــا
من أول السد ف أســـــــوان
ولحد دمياط والمينــــــــــــــا
الزرع مبيبقاش عطشـــــــان
فارش خَضَارُه ع الشطيــــن
واللي يحاول ف بـــــــــلادُه
يقفل علينا الحنفيـَّــــــــــــه
أو ينسى توقيع أجــــــــدادُه
لما اتفقنا بجديَّـــــــــــــــــه
ناسي اننا كنا اسيـــــــــادُه
واحنا اللي جبنا الحُريَّــــه
يبقـــــــــــى بيظـْلِم أولادُه
دا اللي يجور على ميِّتنــا
وقبل ما هيخـْرب بيتنــــا
لازم بكرباج يتلســــــــوَّع
وبدال ما هوّه يموِّتنــــــــــا
ويصيع علينا ويتمطـَّـــــــع
هنعرَّفـُه إيه قوِّتنـــــــــــــــا
ونطـُولـُه لو كان قاعد فين
لاكن نبُص كمان لبعيـــــد
ونراعي أبعاد أزمِتنــــــــا
واحنا بتزداد خنـْقِتنــــــــا
لازم نبادِر بالترشيـــــــــد
ونخاف كتير على ميِّتنـــا
علشان تكـَفـِّي لما نزيــــد
ونعدِّي فوق المِيت مليــون