[د. ناصر شافعي]

[ALIGN=CENTER][TABLE1="width:85%;background-color:deeppink;border:4px solid purple;"][CELL="filter:;"][ALIGN=center]
البهلوان
من الشعر الزجلي العامي : د. ناصر شافعي


من زمان .. من زمان ..
نصحني جدي ، وقال :

إوعى تبقى بهلوان
خلي وشك هو .. هو ..
من غير تلطيخ ألوان
خلي لبسك هو .. هو ..
من غير ملابس جنان
عيش حياتك هى .. هى
مهما جار عليك الزمان

عيش أيامك هنية
مهما قابلك من أحزان
لا تعمل ألعوبان
ولا تعمل شقلبان

إرضى بالقدر و المكتوب ..
لكن ..
لا تقبل ظلم الزمان
ولا تقبل قسوة الانسان

إرفع راسك ..
وامشي دايماً للأمام ..
لا ترضى بالهوان ..
إفتكر كونك إنسان ..
قادر على التغيير
قادر على التعبير
قادر على تحقيق العمل من الكلام
قادر على خلق المستحيل من الأحلام
قادر على نشر العدل وفرض السلام
قوي .. و فنان .

إعطف عالفقير .. إطعم الجعان
إحسن عالغلبان .. إكسي العريان
ردد دايماً :
زمن الضعف .. زمن الذل ..
ده كله كان زمان ..
بكره أحلى من النهارده ..
بكره حنعيش الأمان
بكره حنعيش الأمان
بكره حنعيش الأمان

لا تنسى الماضي و اللي كان
لا تنسى الحاضر و الأفعال ..
لا تنسى الزمان و المكان
إتعلم منهم
عيش عشانهم
وافتكر دايماً
إنك إنسان حكيم .. مش بهلوان !!
مش بهلوان !!
مش بهلوان !!


د. ناصر شافعي . القاهرة . 19 مايو 2010 م.

[/ALIGN][/CELL][/TABLE1][/ALIGN]
( ملاحظة : هذا زجل عامي .. ولم يكتب بالفصحى .. لذا بعض الأفعال المنفية و أفعال الأمر كتبت كما تنطق بالعامية )