شوف البرد فالروايض واش كافي
ولا تنساش الما و الرادياتور
إلى بغيتي تحافظ على المطور
والفار والكود والسينيالات
ويلا ركبت ، ربط حزام السلامة
لا ترجعلك فعايلك بالندامة .
لا تولي معطوب ولا من أصحاب القبور
واقبرليك ولحبابك من الحديد والقزدير
سمع ياالسايق كلامي وحاول تفهم
ما تسوقش سيارتك إلى مقلق وطالع ليك الدم
بارك ما تزيد لبلادك هم على هم
بارك علينا من قتل وإعاقة وجراح
بارك علينا من حرب الطرقان
شحال ادات من عزوغلى الناس
ما تميز مابين شيوخ واطفال وشبان
لو كان ضميرنا كان علينا عساس
ماكانتش تجرى كل هذ المصايب ولمآسي
بارك علينا من حرب الطرقان
وخليونا انعيشوا فأمن وأمان
بارك علينا من حرب الطرقان (3) .
بالبيضاء . بتاريخ :21/08/2005 .