القصيدة 5
------------
الغزاوية
غزاوية و بنت الأصـــــول
بالكرامة هدّات الغــــــــول
صباحها يقص جناح الليـل
بهرات لعقل باللامعقــــول
-
ثكلى صابرة ف كل نفـــاس
إيلى حبلات تنجب لعــراس
ويلى ترّملات تروي لغـراس
و عذرا بروعة الهُطــــــول
-
ف جبينها حروف التغييــــر
ف عيونها أمطار الخيـــــــر
في بطنها شهيد كبيـــــــــــر
و ف حضانها جندي مجهول
-
لكبير ف اولادها معـــــروف
و ليه مَدى ما يحدّو شـــوف
درع يهد دروع الخــــــــوف
سيف من سْيوف الله مسلول
-
فوق الركام بنات بيـــــــــوت
و من التجويع طهات القـوت
صانعة لحياة ف أوج الموت
و ف كل حصاد تعطي محصول