[امال حسين]

تخاريف أماليه


كنت فى حالى وتمام وزى الفل ....طلع فى مخيخى أكتب قصص قصيرة جداً .....ههههه


قلت والله ماهى شغله .....دماغى عال والمزاج رايق والومضات والنبضات الفكرية موجوده والترنيمات و......الخ .

أمسكِ ...أمسك ِ ياسُكينه .....أمسك يا سُكينة الفكرة التى ومضت كأنها توهج رأس عود ثقاب فى رأسى ......وبسرعة بسرعة جبت القلم ودونت قبل ماتطير ......ومسكت الكلمتين اللى كتبتهم العبدة لله تعالى وأغير وأظبط وأمحص وأشيل وأحط ..... كده أفضل ...لأا لأا لأا كده أفضل .....حتى أصبحت القصة بالتمام ....<<<<طبعاً من وجة نظرى

نزلتها فى المنتدى ....ياسلام كلهم حبايبنا وفاهمين أنا كاتبه إيه ...لأن الفكرة واضحة وتمام التمام ...يعنى قصة على الكشوف

قلت أحسن مستوايَ شوية ....أخدت القصة ورحت فى منتدى آخر ينقدوها متخصصين وأجرب يمكن أتزود منهم بالعلم ....


ياللهول ....القصة لا تمت لأدب القصة القصيرة بأى صلة يالهوووووووووووىىىىىى


أمال أنا كاتبه بطيخ أسفه تخريف ؟؟

طلعت واحدة قالتلى احذفِ أربع كلمات من نص بالكامل 14 كلمة هههههههه

كان هاين على أقولها خدى وإكتبيها إنتى .....قلت يمكن أنا متجنيه عليها ...قعدت ألف وألف وألف على كل القصص الموجوده فى المنتدى وهى لأسماء أدبية كبيرة جداً جداً <<<لن أذكر منهم أحد لأن الكبير فيهم رئيس جمهورية الحكى أبو علوان معاهم صاحب القهوة * _ ^

وأقسم بالله العظيم قرأت أكتر من 30 قصة لم أفهم واحدة منهم كأن الغباء الموجود فى الدنيا نزل على دماغى كله وما فى عاد حد أغبى من كده

وبعدين كل واحد يكتب قصة بالسرياليه <<<أى المنهج السريالى وليس اللغة وان كانت لا تفرق كتير

ويهللا له ...وراعنى ما قيل عن كل ما يصعب فهمه أنه رااااااااائع <<<بالضغط على الهمزة والنبرة

كأن الاسم يدخل فى الروعة <<< هدانى عقلى أن أتخفى فى أحد هذه الاسامى وأكتب سريالى والشاطر يفهم أنا كاتبه ايه

وبعدين <<< قعدت أفكر

حملت كتاب وقرات منه جزء كبير

وحملت 3 منشورات عن التوعية بكتابة القصة القصيرة جداً من هنا ومن هناك وزاكرتهم وبعين طبقت على أحد النصوص الى كتبتها لقيتها متظبطة جداً

نزلتها وقلت أجرب <<<لا يضيع حق وراءه مطالب ووراء كل رجل عظيم مصيبة سودة أسفه لا و...الأمثلة كتير وأختار اللى يناسبك منها ...الموووووووووهم

لم يعجبهم ما كتبت ...قلت أخدها من قصيرها وأحترم نفسى ومابلاها شغلانه

دستوركم ياللى معانا

وزرغتى ياللى مش غرمانه

تحياتى بالبسبوسة للى بيحبوها