اختى الغالية /نصيرة
هذه أغنية سواح للعندليب عبد الحليم لها ذكرى عجيبة معايا كنت صغيرة جدا فى الصف الثالث الإبتدائى وكنت فى رحلة فى المنتزة عندنا فى الاسكندرية مكان جميل جدا أشجار ورود بحر مناظر خلابةوسمعت هذه الأغنيةمش عارفة ليه شدتنى وكانت مناسبة للرحلة وسرحت مع كلماتها لدرجة انى صدمت فى قطعة حديد و نزفت رجلى دون أن أشعر الا بعدها بحبة من يومها وأنا بحب هذه الأغنية وأفتكر الرحلة والهدوء وجمال الحديقة والواوا .
سواح وماشي في البلاد سواح
والخطوة بيني وبين حبيبي براح
مشوار بعيد وأنا فيه غريب
والليل يقرب والنهار رواح
وان لقاكم حبيبي سلموا لي عليه
طمنوني الأسمراني عامله إيه الغربة فيه
سواح وأنا ماشي ليالي سواح
ولا داري بحالي سواح
من الفرقة يا غالي سواح
إيه اللي جرى لي سواح
وسنين وأنا دايب شوق وحنين
عايز أعرف بس طريقه منين
يا عيوني..آه يا عيوني
إيه جرى لك فين إنت وبتعمل إيه
يا ظنوني..آه يا ظنوني
ما تسيبوني مش ناقص أنا حيرة عليه
لا أنا عارف أرتاح
وأنا تايه سواح
يا قمر يا ناسيني رسيني عاللي غايب
نور لي .. وريني سكة الحبايب
وصيتك وصية يا شاهد عليا
تحكي له عاللي بيه واللي قاسيته في لياليا