[زاهية بنت البحر]

[frame="15 85"]

القصيدة الثانية رقم 47
آه .. يا بلادنا ( بمعدل 69.5 % )

الشاعر محمد عبد المجيد مرسي - السعودية

آه يابلادنا وكل مالينا
بصوا وشوفوا إزاي
أهالينا
بطش الظالم فيهم فينا
وازاي نسكت على
أعادينا
***
غزة الغالية تحت النار
فكوا حصارها يا أحرار
لازم صحوة كفاية دمار
لازم وقفة ... واستنفار
ياما عانينا فيكي يا دار
ولاّ نسينا ... الإستعمار
مش لهنفرح حبة عشان
احنا في هدنة واستقرار
بكرة هيجي شايل صمته
ممكن جنة وممكن نار
***
واحنا الهدف الواضح ليه
ومفيش غالي هيغلى عليه
يبقى ليه نسكت ليه
لازم نثبت كرهنا ليه
ونوريله نتيجة ظلمه
وإنه عدو وما هنخليه
يجري ويلعب ولا على باله
وهو جبان بخ عليه
ازاي يضرب وكلنا ساكت
فين النخوة ما نلعب بيه
أصل دا كله كله مزايدة
ودول العالم راهنو عليه
وقال يعني
بقى لينا شوكة
بُكرة تكون في حبابي عنيه
***
بس شوية لما نصحصح
شوفو هنعمل فيهم إيه
أوعو تقولوا ان احنا هفايا
دا احنا وزير وباشا وبيه
كراسينا شاهدة بكل نزاهة
بنخاف عالحق
ونداري عليه
حتى لدرجة اننا نسكت
وطبعا ً نشجب وازاي وليه .. ؟
وأصل سكوتنا
أصله دا واجب
مالي حياتنا وبنحييه
وشوف بقى لو هنعمل ثورة
هتبقى هلمة وسين وليه
يبقى الأحسن نفضل أحسن
برغيف عيش وكام أبونيه
ليه نتعلم ليه نتنور
ليه نتهور ليه ليه ليه .. ؟
ويلا يابني بينا هنبني
عش صغير نسكن فيه
وخلو الطاهرة بنت الطاهرة
ماسك روحها ما بين آياديه
عدو مخنس يدوب من فترة
واهم نفسه وبيقول أراضيه
وكأنه ما عاد فينا النخوة
أوإسلام ... نسبنا إليه
لازم طبعا ً شوية رحمة
مع حبة صحوة وقوة عليه
علشان نقدر نرجع غزة
ونطوي كفاحها وآهات لياليه

[/frame]