|
قصيدة عن الشهيد مغنية و حرب السيد نصر الله المفتوحة
أولا أنا إبراهيم شعيب من الجنوب شاعر و عمري 17 و حسب نقابة شعراء الزجل في لبنان تم تصنيفي " الشاعر الأقوى على الساحة الشبابية اللبنانية " و هذا توفيق من الله في جعبتي 170 قصيدة و 3 مقابلات تلفزيونية و إنزال قصائد في 5 صحف و 19 مجلة .
مرحبا للكل قصيدة عن كلام السيد نصرالله حول الحرب المفتوحة و استشهاد عماد مغنية و مقطع عن الوضع السياسي ...
مراجيح حقد بينصبو بالغرب
و نحنا نصبنا العز ّ مرجوحة
و الأرض لما يحين وقت الشرب
بتشرب نزيف قلوب مجروحة
و الإغتيال بمشهدو عن قرب
ضربة و لكل الناس مفضوحة
و الفكّروا قطـْعو علينا الدرب
و الفكّروا الضربات مسموحة
هني قرارن يفتحوا هالحرب
مش حرب حزب الله بدّا تكون
" هيدي حرب الله المفتوحة "
* ملاحظة القصيدة قلتا على المنار بتاريخ 16 شباط 2008 الساعة 6 و 20 دقيقة في برنامج مع المشاهدين .
المقطع السياسي
الشعب الفقير بمدمعو بيقول
هالجوّ عم يحفر إلي قبري
و شعب المقاوم مبدؤا عا طول
يلغي الوجود الغاصب العبري
و صار الصبر " مستعجل و مشغول "
ليش الملامة لو نفذ صبري
الوضع السياسي بهالبلد مشلول
أشبه بشخص مقطـَّـع الصابيع
و بدّو يفوّت خيط بالإبري
شكرا للقراءة
أخوكم إبراهيم شعيب
نور الأدب (تعليقات الفيسبوك)
|