منتديات نور الأدب - عرض مشاركة واحدة - خاطرة من الزجل المغربي تحت عنوان : ثروة بلادي .

21 / 02 / 2008, 45 : 04 AM

[align=center]

*** ثــــــروة بــــــــــــلادي .

احبس ! احبس !

احبس ! حدك تم .

لاتقيش أوليدات الناس

ما تزيد حتى كلمة

لا يوقع الفاس فالراس

ونعيشوا فالغمة

التربية هي الأساس

ومن عند الله نعمة

اغلى من الياقوت والماس

ما ضيعهاش فشربة ما

اطرد عليك الوسواس

ودير ليك شي همة

و خلي ضميرك عليك عساس

اينجيك وقت الظلمة

اعتبر وليدات الناس أولادك

ولا احفيدات من احفادك

ابغي ليهم الخيرايحقق ربي مرادك

ويكون ثوابهم ليك يوم الميعاد زادك

راهم ثروة ابلادي وبلادك

إلى فرط فيها غدا تولي نادم

خدم شوي عقلك إلى كنت بنادم

والعقل بلا أخلاق ماكاين معنى تم

إلى كان راسك يحكم فيك فما انتاش فاهم

والى انت ليحكم فيه وبغيت تعيش سالم

وقتما وسوس ليك. كولو:

احبس ! احبس !

حدك تم .

احبس ! حدك تم .

محبوبي محمد .

البيضاء. بتاريخ : 15/05/2005

[/align]

.

21 / 02 / 2008, 45 : 04 AM	رقم المشاركة : [1]
محبوبي ضيف	خاطرة من الزجل المغربي تحت عنوان : ثروة بلادي . [align=center] *** ثــــــروة بــــــــــــلادي . احبس ! احبس ! احبس ! حدك تم . لاتقيش أوليدات الناس ما تزيد حتى كلمة لا يوقع الفاس فالراس ونعيشوا فالغمة التربية هي الأساس ومن عند الله نعمة اغلى من الياقوت والماس ما ضيعهاش فشربة ما اطرد عليك الوسواس ودير ليك شي همة و خلي ضميرك عليك عساس اينجيك وقت الظلمة اعتبر وليدات الناس أولادك ولا احفيدات من احفادك ابغي ليهم الخيرايحقق ربي مرادك ويكون ثوابهم ليك يوم الميعاد زادك راهم ثروة ابلادي وبلادك إلى فرط فيها غدا تولي نادم خدم شوي عقلك إلى كنت بنادم والعقل بلا أخلاق ماكاين معنى تم إلى كان راسك يحكم فيك فما انتاش فاهم والى انت ليحكم فيه وبغيت تعيش سالم وقتما وسوس ليك. كولو: احبس ! احبس ! حدك تم . احبس ! حدك تم . محبوبي محمد . البيضاء. بتاريخ : 15/05/2005 [/align] . نور الأدب (تعليقات الفيسبوك)
محبوبي ضيف