[ندى نصر]

بقول لوتنسى أحسنلك

ما يصعبش عليك خلّك

ده لو رايدك

هيجري عليك ويندهلك

ويحضن في الهوى ضلّك

ويتمنى رضى قلبك

فلو سابك ولا يهمك

وليه تعطش وقدامك

سبيل مفتوح لأحلامك

وشمس طالعة بتنور

سكايكك...تضوي أيامك

فمتسبش الجروح تخدك

وتاخد قوتها من دمك

وتتأسف وتتندم

وتتلوع وتتألم

وتفضل ف الهوى شارد

وخلّك دمه م البارد

لا بيهدِّي ولا يطبطب

ولا تأثر معاه كلمه

ولا يفرق معاه دمعك

وايه الفايدة؟

وايه الفايدة؟

من النار اللي فيك قايدة

هيعمل ايه لهيب وجدك

ياريت تنسى

وزي ما أسى إإسى

متفضلش رهين ماضي

يضيع عمره ع الفاضي

وفوق واتعرّى من وهمك

ما ينفعش ده ليك كسوه

ده ياما قلوب بتتمنى تطول حبك

وياما عيون سهرانة على بابك

بتبكي من الأسى جرحك

وناسيهم, وبتعافر ورا خيبتك

وسايب الهوى يغشك

من الآخر...دور عللي بيحبك

بقلم/ ندى نصر