|
رد: مقهى الكرمل لصاحبه أبو الشوق
[align=center][table1="width:95%;"][cell="filter:;"][align=center]
السلام عليكم ورحمة الله وبركاته
من هنا من فلسطين العروبة أحيكم وبتمنى تتقبلو مني
هالموضوع الي بلهجه فلسطينيه كح
بالشتا وقبل المغرب بشوي زغيرة بنقعد بحوش الدار نولع هالكانون ولولاد يحطو البلوط اللي لموه والختيار يلف سكارة الهيشة ونقعد نشوي البلوط وتشم الجارة ريحة الخشب المحروق تجيب خبزاتها و زعتراتها وولادها وتيجي ونقعد انا واياها نسخن للولاد خبز الزعتر ويقعد الختيار يستنا ابريق الشاي اللي عالجمر نقول سقالله ايام ما كنا زغار لا هم ولا حزن
ونقعد نطلع بالنار توكل الحطب زي ما الأيام والهم اكلت اعمارنا
فنجان قهوة .. يجمعنا.. و عاداتنا الأصيلة.. و قضيتنا النبيلة..
حكايات جدي و جدك.. وخراريف البلاد.. و بطولات الجهاد..
تعال يا ابن بلادي اكعد جاي.. أحكيلك و تحكيلي..
لا تنسى الشاي وريحة الميرمية الفواحة ...ما بنسى الزعتر وخبزك يا فلاحة ...
كيف انسى حكايتك يا جدي ..والله ما بنسى ايامه وسلاحه ..
ووصاتك يا ستي..عن بلادنا وبيتنا ومفتاحه ...
يا بوي احكيلي عن الأوطان و اشرح
ما بدري وش بقى من الأهل و ايش راح
مافي شي أحلى للصدر و اشرح
من سيرة وطنا وقرب الحباب
يبا للأرض بنغني وبنرفع الموال .. فلسطين امنا ودولتنا الحبيبة
فلسطين يا ست حروف للموال .. كتبها الشعب بشهدا المسيرة
الـ ف .. فرسان على روس الجبال
و الـ ل .. لاحت بيارقنا المجيدة
و الـ س .. سيف ذو حدين بالنزال
و الـ ط .. طلاب المجد يا دم سيلِ
و الـ ي .. يمين بالله ليتفجر الزلزال
و الـ ن .. نحقق عالأرض دولتنا الأكيدة
يا طير ياللي مر مع ضو القمر .. ميل على بابي .. و خبر عن حبابي
يا هل يا ترى يا طير هم بخير .. و لا الليالي معتمة يا طير
يا طير ياللي مر صوب البحر .. خذ شال للغايب .. خذلو الندى الذايب
يا هل ترى يا طير هدى الموج .. ولا الرياح مجدلات و هوج
يا طير يا للي مر من فوق الشجر .. هاتلي معك أخبار .. ولا تطول المشوار
يا هل ترى ياطير راح توصل ؟ .. ولا الديار مزنرة بحنظل ..
يا طير يا رايح .. ويا طير يا جايي .. خدلو معك شمسين و هاتلي معك راية !
كانت لنا من زمان...بيارة جميلة...وضيعة ظليلة...ينام في افيائها نيسان...
ضيعتنا كان اسمها بيسان.........
خذووني الى بيسان....
الى ضيعة الشتاء...هناك يشيع الحنان...على الحفا في الرماد...
خذوني الى الزهيرات.... الى غفوة عند بابي...
هناك مدة علان...اعانق صمت التراب...
اذكر يا بيسان يا ملعب الطفولة...افيائك الخجولة وكل شيء كان...
باب وشباكان...بيتنا في بيسان......
مكتوب عـ صدر الزمن كلمة وطن وتراب .. لو غاب عن عيني النظر اسم الوطن ما غاب
كلمة وطن يا زمن موال علساني .. لو علقوني عالرمح ولا عجنح عقاب
لن انحني
الكلمات هي منقولة ،،حبيت أنقلها لأبو الشوق وروداه
حاولت أعرف اسم كاتبها الحقيقي لم استطع ،معذرة يا أبو الشوق
الشاي بانتظاركم لا تطولوا[/align][/cell][/table1][/align]
|