[فتيحة الدرابي]

أنا نخلة مثمورة
مغروسة في أرض مغمورة
بالخيرات الموهوبة
أنا أرض ولود
مستحيل انتمحى من خريطة الوجود
أصلي اعريق، واجدوري مغروسة اعميق
غصني ديما اخضر
سولوا اعليا البادية ولحضر
أصلي مشرفة ومثقفة
منبع الحضارة
مولودة معايا الشهامة
طلقوا اعليا تهم
صدقاتها أمم
في اعماقي كنوز
الطماعة باغا ليها منين الدوز
غلبوني بالسياسة، والمكايد الهدامة
وخاصموني مع الجارة
دخلوا لعماقي
شتوا كل اوراقي
ارماوها يمين واشمال
حجتهم أسلحة الدمار
أنا نخلة برية
سماوني إرهابية
كانت حجة خاوية بها دخلوا ليا
وبغاوا إيسيطروا على كل ما فيا
ولما جدعي التعدم
تهرقات وديان من الدم
انهاري ما ابق اطلع
ونوري ما ابق اسطع
لكن جدري في اعماقي يلمع
والبطولة فيه تنادي وتصرخ
سجل يا تاريخ
العراق حرة وتبقى حرة
رغم الصواريخ
سجل يا تاريخ
الخونة اللي أمنوني
هم اللي سلموني
للعدو باش إينهبوني
سجل يا تاريخ
رغم الحصار
رغم الدمار
العراق غادي يطلع فيه انهار
وتعرف العمار
وتعيش ازدهار. آمين
فتيحة الدرابي