[عادل رستم]

افتكرت والدتي رحمة الله عليها وهى تسعى جاهدة لنتذوق من يديها أحلى ملوخية بأحلى تقلية ومازلت رائحتها حتى الآن فى أنفي وأكاد أكل على ذكريات الرائحة رغيف سخن مولع بنار الفرن 00000
وأردد وأنا اشاهد القنوات الفضائية والتي أذدحمت بها الساحه الإعلامية ومذيعيها
(ادو العيش لخبازه ولو ياكل نصه )
انهم آتو بقوة الذراع والواسطه والشهرة ليتلفو البقية الباقية من دماغنا ويفلوقنا بطريقتهم وياسلام على الأبداع 0000

واحد بيصرخ ويصوت وبيفتكر أنه كدا حقق النجاح الساحق 0
والتانى بيستظرف وهات يانكت وهو فى الأصل بينكد علينا آلهى ينكد عليه وعلى اهله 0
والتالت قالبها مناحه ومصورلنا إن حياتنا بقت كلها سوده وكل واحد يلا يحضر كفنه 0
والرابع علشان يشتهر ويحقق مكاسب لقناته الفضائية يجيب اتنين كل واحد يشتم فى التاني واللى يشتم أكتر يقبض أكتر 0

لا والأدهى القنوات الرياضية بقى مفروض عليك واحد تشوفو يسهر معاك لغاية الفجر يبدأ يمسي عليك والفجر يقلك تصبح على خير 00
طيب هييجى الخير منين وانت مسهرنا 000
وكلهم وأنا أقسم على ذلك لا يتمتعون بأى مهنية ولم يأخذوا فى حياتهم أية دورات تدريبية 0
واخدينها من عمنا بتاع الفول اللى صوته حلو وبينادي على بضاعته وساعات بيعتقد أنه مطرب ومفيش بعده
بصراحه أحنا بنعيش ثوره المتسلقين من الإعلاميين ولاعزاء لآبائي ومن تعلمت منهم 000
قولو معايا روبابكيا يمكن حد يسمعنا ويقول أننا ننفع نغني فى فضائية 0000
هي أصبحت تجارة دخل فيها اصحاب رؤس الأموال وأصحاب الأتجاهات السياسية والدينية وبذلك غابت تماما عن الحياد الإعلامي وصدق الرسالة الإعلامية