[نجلاء سلامه]

خايفة منك مش عليك ,,
وان بعدت قلبى يناديك ،،
مهما قلت مش راح اوصف ،،
أد إيه محتاجه ليك !!



بعدي عنك مش بإيدي !!؟
ده قدر مكتوب حبيبي ..
حبي ليك ده من إختياري ..
ممكن أبعد!!..

بس مش ممكن أدارى ..
لو داريت اللى بــــ عيونى ...
نظرتهم ليك يفضحونى ..

وإن حاولت اخبى عنك شوقى ليك .
حبى فيك ،،، همستك ،، لمسة إيديك ..
كل دول بيفكروني ،، ياخدونى منك إليك..

بس قلبى اللى جرحته...
لسه فاكرك مش ناسيك ..
فاكر إنك لما خونته..
واستهنت بحبه ليك ..

لما تيجى فيوم وتتطلب إنه ينسى ..
هيجازيك!! ؟؟

جى طالب ليه يسامحك؟ ..
وانت دمرته بإيدك ..

جرب إنك تبكى مره ...
زى ما بكيت عنيه ..

وإن عرفت إن قساوتك ..
مره ليك ،، مره عليك ..

وقتها ممكن أسامح وتلاقينى راجعه ليك ..
بطلب إنى أقضى عمرى،، لحظة واحدة بين إيديك ..