|
غزال
بعيوني شفت غزال
سبحان من اخلقها
حسن وجمال
عيون كبار
واعلى خدها خال
على كفوفها نقش الحنة
وفي قدامها خلاخال
لا بسة جلابة احرير وشربيل
شعرها كحل
مسبسب وطويل
تتمايل ومعاها يميل
لما عيني شافتها
صابني سهد الليل
صورتها في عيني ما بغات تزول
نفكر فيها ونقول
بعيوني شفت غزال
حسن وجمال
مالو مثال
الدات معاها عقلي
وغرست نبال
محال ننساها محال
خيالها مرسوم في البال
جيبوها لي يزيان الحال
نفديها بعمري
وكل ما عندي من مال
كنوز الدنيا بلا بيها ما تسو مثقال
دلني على مكانها يادلال
ناوي معاها الحلال
وكل ما طلبتيه انت اتنال.
نور الأدب (تعليقات الفيسبوك)
|