[محمد جادالله محمد]

كرباج ورا

كرباج ورا..يا اسطى..
كرباج ورا
يا صاحب الكاربيد
شيل من عليك الحطة
خلى عنيك نرى
يا اقندى يا ابو احميد
انا بتكلم بجد
انت داخل حارة سد
حالتها مدهوره
العيال المتشعبطين
وفى الكارة ...ماسكين
دول لا مطاريد ولا مقاطيع
دول... ولاد ايه.. شمامين
ومدمنين.. كولا.. وبنزين
زبالة الحثالة ..
والحثالة منهم.. تستجير
عاوزين ولا.. مائة غفير
ماحدش ابدا.. يتحملهم
ولا حتى.. الجير
فوق بقى.. يااسطى.. فوق
شكلك ليه.. مش مظبوط
عنيك.. مدعمسة
وباين عليك مدروخ
وموقع.. الزعبوط
ومش قاعد ليه على بعضك
زى ما تكون طول الليل.. معبوط
وواخد فى الخلفية.. يجى مية شلوط
ولا انت مديها شوية.. وشوية سكران
ولا يمكن سنتين.. تحت اللسان
وحبة كده..مسطول... وينعدل الميزان ..
ولا العيال.. ادوك حبتين سوكلان
ورحت يا معلم... فى خبر كان
صحصح با اسطى.. صحصح الان
عاوز اقولك حاجة.. من زمان...
بس الحيطان.. لها ودان
كان لازم يعنى.. يا خفيف
تشتغل فى البيزنس.. وكمان فى التوظيف
وتعمل فيها.. بيزتس مان
وتعمل نفسك جدع.. وابو العريف
وتصرف وتتمنجه.. وكانك ابن باشا صنديد
وتقع مع... عاصف صدقى
وتقع مع.. عاصف عبيد
بخدوك ويقليوك.. ويدخلوك فى الحديد
وتقعد فى القفص... ايه بعيد عنك
لحد ما تشوف حلمة ودنك
وفين.. على ما يلين الحديد
عاوز عمر تانى.. من جديد
كان مالنا ..ومالهم.. يا ابن الناس
بتجيب ليه.. بس وجع القلب
كان مالها الكوارع... ولحمة الراس
وعندنا فى الجيزة.. مسمط الشعب
وعلى الفتة ليمونة.. وحتة طورشى
وتشد بعدها الانفاس...
اكلة مزاج.. فى مزاج
ياابو التيح.. ياحساس
فوق يا اسطى ..الوقت خلاص فات
العيال بتوعك ..لعبوا بى التلت ورقات
ورحمة امى.. ماانا سايبهم..
ح اعمل فيهم.. واخلى.
وابرومهم..للصرمة رباط..
اسيبك بقى وجعت قلبى
لعلمك.. ابوك.. الله يرحمه
كان.. صحبى..
كلماتى وبقلمى
محمد جادالله محمد الفحل