[مسعدالنحلة]

الصيف والحر

دوري كمان يا مروحــــــــــــــه

من عند سطح الحيطه فـــــــــوق

لا هواكي جايب رحرحــــــــــه

ولا حر خلـــَّى عنــــــــدُه ذوق

م الصبح ولبــعد الضـُحَــــــــىَ

هاجـِم علينا وكلـُه شـــــــــــوق

يجعل قلوبنـا موَّحْوَّحــَـــــــــه

والجسم تملاه الحـــــــــــــروق

كل البيبان متفتـَّحـــــــــــــــــه

والصهـْـــد هابـِــب م الحيطان

ـــــــــــــــــــــ

أ ُمَّال هنعمِل إيـــه بقـــــــــىَ

في جهنم المليانه نــــــــــــار

دا احنا شوَّية فأفــــــــــــــأه

خلـُّونا نـُصْرُخ ليــل نهـــار

ساعة الحساب يوم اللـُّقـَــى

ملناش حقوق في الاختيــار

إما في نار مِتـْعتـَّقـــــــــــه

أو جنه فيها الحور كـُتـــار

ويا بختـُه من راح والتقـَـىَ

في الجنه له إسم ومكــــان

ـــــــــــــــ

نزهق عشان يوم صيف وحَـر

فاضِل ونطـْلع م الهــــــــدوم

أ ُمـَّال هنعمل إيه ف سقــَــر

فيها اللهيب خالد يــــــــــدوم

لا فيها نيل جايبُه المطـــــــر

علشان نطفـِّي نارنا عـُـــــوم

ولا فيه محيط أو حتـى بحـر

يبعت لنا شوَّية نسيـــــــــــم

يعني احنا دايمًا في الخطـر

بذنوبنا محناش في الضمان

ــــــــــــــــ

في النار مفيش تكييف هـوَّا

ولا شييء يخلي اليوم لطيف

كل اللي يدخل يتشـَــــــوَى

ويقمَّرُوه زي الرغيـــــــــف

لا تقولي مـــــــرهم أو دوَّا

وكريم من النوع النضيـــف

ينفع في جـِلـْد اللي انكــــوى

ويخلي حرْقـُه يكون خفيـــف

والنار تفور ما بترتــــــــوَّىَ

وتقول مزيد مطلوب كمــان

ــــــــــــــــ

يبقــــى احنا لازم نِبتِـــــدي

بالصفحه بيضا بدون ذنــوب

نمشي ف حياتنا ونِقـْتِـــــــدي

بالسُنـَّه م الهادي الحبيــــــب

نبعِد عن الفِعْل الــــــــــردِي

وسلوكنا ما يكون فيه عيوب

وبكلمِة الله نِهـْتِــــــــــــــدي

ننعم بأنهار الحليــــــــــــب

في جنه مفهاش مُعتــــــــدي

فيها السعاده والأمــــــــــان

**********