[مسعدالنحلة]

طـُوُفان بَشـَر

طـوُفان بَشـَر

واتجمَّعوا وسط الميدان

جُم زي سيل فاض في الغيطان

والميَّه وصْلِت للرُكـَب

غطـِّت عيدان الزرع وفروع الشجَر

والخوف بإنـُه يبتِدِي

ينـْزع ويقـْلع م الجذور

ويخلـِّي آلاف الأراضي والغيطان

ترجع تبوُر

طوُفان بشر

وغضب مشعلل ف الصدُور

وقلوب كتيره بتنفجَر

من كبتها

من يأسها

خرجت وكان بيلمَّها

ويشدها عبر الأثير

رادار بيجري ف دمَّها

خلاها تتجمَّع سوا

من غير ما حد يقولها

إلا المُعاناه والغضب

وأمان حياتها اللي انسلـَب

كان الرادار بيدلـَّها

وبحبل رابط رجلها

مع بعضها

مِتـْشـَبِّكه وكأنها غصُون الشجر

نفس الردار في قلبها

خلاها تشعُر بالخطر

خلاها حسِّت إنها

مدفونه صاحيه في القبُور

حسِّت بأن الوقت حان

علشان تقوم من نفـْسها

تتحدَّى أقدار الزمان

حركها نبضة حِسَّها

خلاها عدت ع الجسور

بتودي رأسًا ع الميدان

سمعت هناك صوت الأدان

قامت تصلي لربها

كان العساكر ديدبان

واقفين على كل البيبان

خايفين صلاتها تِنتـَهَى

بعض الحنود وبجهلها

طلعوا عليها بهروات

وحاجات مُسيله للدموع

خـنـَقِت كتير غير اللي مات

خلـُّوا الجموع بدأت تثور

وكأنهم بركان وهاج

خلـُّوا الحناجر تنفـَجَر

والدم ف الشريان يفور

وبصوت هدير من ناس كتير

هاجت وماجت وابتدت

بعد اما كان متنطوره

تتلم تحت السيطره

والوضع أصبح ف الخطر

مع إنه كان ماهوش خطير

كل اللي كان إن البشر

عملت مظاهره بتستجير

كان كل مطلبها البسيط

تقدر تعيش مِتـْكـَرَّمه

من غير شعور بالجوع شديد

بسبب معيشه مؤلمه

عاوزين رئيس وزراء نشيط

يصْلِح أمُورها المُعْدَمه

وبالاهتمام يقدر يقيد

شمعه ف حياتها المُظلِمه

ووزراه بالإخلاص تفيد

مفيهاشي ناس مستسلِمه

مفهاش وزير جه يستفيد

خلـِّى السلـَع متـْحرَّمه

مفهاش وزير يبلع محيط

فـَرَض الضرايب بالوما

حتى على إجار البيوت

وعلى الكلام والهمهمه

مفهاش وزير بلسان سليط

وعيال مهيش متعلـِّمَه

مفهاش وزير أمن وأليط

واقسام بوليس مِتـْحَكـِِّمَه

وقانون طوارئ من حديد

يحْبـِس ومن غير محكمه

عاوز حياه فيها الأمان

من غير ما يشعُر بامتهان

عاوز يعيد مجدُه اللي كان

للدنيا نوُر نـَوَّر زمان

خلـَّى الحضاره تنتشـَر

في الدنيا ع الناس كلها

ليه النهارده ف مُنحدر

بيشد فينا لهاويه

ما حد يعرف عمقها

فجأه دخل في الصوره ناس

ما حد يعرف دول منين

جُم لوثوا توب المسيره

ببُقعه حبر اسود كبيره

كانـُم فريق متنظمين

معرفشي بيحركها مين

أو جُم منين !!

**********

[عادل سلطاني]

طوفان بشر سيقتلع جذور الطغيان ويدفن فرعون في حمأة الخزي وها انتفض الشعب الكناني وثار وزأر وأذنت الحناجر حي على التغيير ولا شيء شاعري الحبيب يقف أمام طوفان الشعوب والشعب المصري قالها صريحة(( إرحل موش عايزينك )) فماذا ينتظر الطاغية ؟ ينتظر نعشه وتشييعه لمثوى الخزي الأخير ، نص رائع ثائر أخي الشاعر " مسعد النحلة" وها التقينا في ظلال قصيدك الثوري العزيز ..
نصر الله مصرنا وحفظها ورحم شهداءنا الأبرار واصلوا النضال والثورة حتى يغرق الفرعون ..
تحياتي

[مسعدالنحلة]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة عادل سلطاني طوفان بشر سيقتلع جذور الطغيان ويدفن فرعون في حمأة الخزي وها انتفض الشعب الكناني وثار وزأر وأذنت الحناجر حي على التغيير ولا شيء شاعري الحبيب يقف أمام طوفان الشعوب والشعب المصري قالها صريحة(( إرحل موش عايزينك )) فماذا ينتظر الطاغية ؟ ينتظر نعشه وتشييعه لمثوى الخزي الأخير ، نص رائع ثائر أخي الشاعر " مسعد النحلة" وها التقينا في ظلال قصيدك الثوري العزيز .. نصر الله مصرنا وحفظها ورحم شهداءنا الأبرار واصلوا النضال والثورة حتى يغرق الفرعون .. تحياتي

شكرا جزيلا لتفاعلك النبيل اخي الفاضل الاستاذ عادل سلطاني
مع تحيتي ومودتي

[بوران شما]

الأخ الأستاذ الشاعر مسعد النحلة
جميلٌ جداً ماجاد به فكرك وقلمك ياابن مصر الثائرة .
حماكم الله ونصركم ورحم شهداء هذه الانتفاضة ,
وحقق لكم كل مبتغاكم وطلباتكم .
تحيتي وتقديري .