|
|
||||||||
 |
 |
|||||||
|
||||||||
|
||||||||
|
31 / 07 / 2008, 08 : 02 AM
|
رقم المشاركة : [1] |
|
ضيف
|
الزجال أحمد دحمون- نبذة وقصيدة
 أحمد دحمون
بساط الريح جيتك من الف ليل ليلة على بساط الريح نطوي لعجاج جيتك قطرة من سحابة ولادة لضمت شتاها في سبحة ليام جيتك مجمر من سند ولهند باشكال لبخور جييتك بلجام مقطع وشكارة لغبار جيتك بحار نجدف فمواج اللي كان جيتك شهرزاد قصيدة وشهريار لسان نساي يدخل كل ليلة بكلمة و يعلق لحزام في راس لبلغة يخرج دم مكبد مداد وبهاد الدم لمسفوح كتبنا تاريخ ليام وسكتت شهرزاد ورقد لفروج في حجر شهريار و ما بقا يكاكي وجلست شهرزاد قدام لمراية تماكي و هادا شهر زاد وقرن وميلاد من تقابي لغربال تطلع من بيضة لحجل تطلع شهرزاد تانية تعشش فلبال تفتح كتاب لمعاني وتسد تاريخ النخوة تاني ويجيك قمار في صيفة بشار ويقول يا ليعة التاريخ يا ليعة لخبارما بقات ريشة ما بقا مداد ما بقات طيسة مابقا سداد صار التاريخ عود ملجم مابقات فيه نخوة ما بقا حران ياليعة لعود لمقيد يا ليعة شقوق لكتاف وتجيك شهرزاد اخرى في كتاب لفضايح تقرا تجيك كركازة نابتة في زبالة هاذ لجيل تعرف طريق من دار لدار تعرف طريق من بار لبار تغزل لغبار تزرع لعار وشقق لحمل على كتاف لعود ما بقا قادر يفتح بلدان ما ما بقات فيه نخوة ما بقا حران ياليعة لعود لمقيد ياليعة شقوق لكتاف فكر في شي تخريجة بلا باب فكر في شي صيد بلا نبلة كون عنتر لمعاني تجيك لقوافي في صيفة عبلة باسم الله نحط لقلم ودواية نفتح لكتاب حروف منقطة كحل من لغراب سطور مخبلة في كبة من سراب باسم الله نبدا من سما السابعة نزل لبراق نفخ نفة في ريش سحاب ولات شرقي تحطت ورقة تشتو لحروف تحط لميزان ضاعو صروف وعلى بواب الترعة نلقط لحروف لقيت لجيم نجمة معلقة في شوك سدرة واللام لوبان نبت في عنق سدرة والواو ياقوتة مرصعة في عيون شجرة واللام سما خوه جلول وصارت لحكاية غمزة موكة نغزة شوكة في شحمة لقدام صياد نعام كان جلول يغفلها ملي تمشط سوالف ليام نور الأدب (تعليقات الفيسبوك) |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الزجال علي مرزوق- نبذة وقصيدة | توفيق البيض | فضاءات الزاجل والنبطي والشعبي | 5 | 11 / 05 / 2010 59 : 09 PM |
| الزجال أحمد زرمون (رحمه الله)- نبذة وقصيدة | توفيق البيض | فضاءات الزاجل والنبطي والشعبي | 0 | 31 / 07 / 2008 34 : 02 AM |
| الزجال محمد الراشق- نبذة وقصيدة | توفيق البيض | فضاءات الزاجل والنبطي والشعبي | 0 | 31 / 07 / 2008 29 : 12 AM |
| الزجال محمد مومر- نبذة وقصيدة | توفيق البيض | فضاءات الزاجل والنبطي والشعبي | 0 | 30 / 07 / 2008 53 : 02 AM |
| الزجال أحمد لمسيح- نبذة وقصيدة | توفيق البيض | فضاءات الزاجل والنبطي والشعبي | 0 | 30 / 07 / 2008 35 : 01 AM |
الساعة الآن 08 : 02 PM
 |
