[عبد الحميد بدوى]

اه يا بلد مافيش حاجة بينك وبيني

ولا أعرفك ولاتعرفيني

كل المشكلة انك ساكنة في نن عيني

كل مابهرب منك كل ما ابعد عنك

بالاقي نفسي في حضنك

وعينك في عيني

كل أما باجي أقول بحبك

ألاقيكي بتصديني

اه يا بلد نفسي أغني وأنت بس اللي تسمعيني

ملامحي من ملامحك وطينك من طيني

نفسي أتكحل وأقفل عليكي عيني

نفسي أجيلك وتجيلي

أكتبك قصيدة ألاقيكي بتبكيني

أحترت معاكي وحيرتيني

نفسى ألاقيكى وتلاقينى

مش عارف لية حاسس بغربة

نفسى تططبى عليا وتضمينى

نفسى مرة وحدة تسمعينى

اه يابلد مفيش حاجة بينك وبينى

ولا أعرفك ولا تعرفينى

كل المشكلة أنك ساكنة نن عينى

كل ما بهرب منك بلاقى نفسى فى حضنك

وعينك فى عينى

[بشرى الموسوي]

يارب ما تنحرم منه !! وتعيش وتتهنى في بلدك مثلما هو عايش في قلبك

يااااااارب

تحياتي