[ميساء البشيتي]

رشيد
شو رأيك ب " فنقوَ " ممتازة مو ؟
حسب هديك الأبجدية إن لسة متذكرها
صدقني غير تنقطني هذه العلة المحذوفة من آخر الكلمة
سلامات

[د. منذر أبوشعر]

الساعة الآن حوالي 2,5 ظهراً ،وقبل قليل استيقظت!
في رمضان أظل سهران حتى الثامنة صباحاً..أقرأ كثيراً وأكتب قليلا، والحمد لله أتابع قراءة القرآن من خلال ختمة نور الأدب. لاأحب الطعام، وأعشق القهوة والسيجارة- وأثناء الصيام لا تخطر على بالي أبداً-. الآن كل واحد (داوي) يعني فطسان من الجوع والعطش ومالو طايق حاله !
خاطركم يا جماعة ،والله يتقبل صيامنا بألطافه ورحمته.
ملاحظة: عزمت المختارة حالها على الفطور، وصحتين وهنا..تعالوا لعندي فالوالدة عاملة محاشي: يام يام، سأقول
لها تجعل العدد أكثر من المعتاد. أنا والعائلة بانتظاركم جميعا، وممنوع أن يتخلف أحد،وأي عذر مرفوض.

[رشيد الميموني]

أهلا بك ميساء .. هي حروف العلة وحذفها أو إبقائها مسالة تعود فقط ..
أما عن اقتراحك للسحور فأنا مستعد له لكن سيكون ذلك صعبا على من تعود سحورا دسما ..
ومع ذلك فساقول بتطبيق مثل عندنا هنا يقول :" الضيف ما يشرط ومول الدار ما يفرط" ومعناه واضح : الضيف لا يجب أن يشترط وصاحب الدار عليه ألا يدخر وسعا .
مرحبا اخي منذر .. وتحياتي للسيدة الوالدة .. سأكون أول من يلتحق بالمائدة .(ابتسامة)

[ميساء البشيتي]

محاشي !
يا سلام هذه أكلة ما بتتفوت
هلأ جاية أنا لأنه بعد ساعة ونص فطورنا
والحلو علي .. قطايف طبعا صنع بيتي ..
والسبت إن شاء الله على خير العزومة عندي
ورق دوالي مع كوسا
كيف الوضع تمام ..
الله يبارك فيك أخي منذر بس ما بدنا نغلب الحجة
وياللا يا حبايب الباص بيستنى مين نازل معنا عالشام
قرب الاذان .. ياللا

[ميساء البشيتي]

رشيد
بيقولوا عنا بالأردن طبعا ما بعرف إذا بالبحرين كمان
" الضيف أسير المعزب " يعني بيطعميه على كيفه
بس يا رشيد العرب أهل كرم وأكيد سحورك يغني عن فطور
بالمناسبة يا جماعة شو أحلى كلمة برمضان ؟
المغرب .. ههههههههههههه ..مين ما بيحب المغرب في رمضان ؟!

[رشيد الميموني]

وانا بالمغرب .. لا يزال المغرب بعيدا .. 5 ساعات ونصف تقريبا .. (ابتسامة)
أما عن الكرم فحدثي ولاحرج وهو كما قلت خصلة متأصلة فينا نحن العرب .
أتمنى لك إفطارا شهيا مع أسرتك الكريمة .

[Arouba Shankan]

ذكروني بمحاشي حلب والأكلات السورية ،كلموني عنها تاني ليه ،ليه بيفكروني !!!!!!!!!!!!!!!!!!؟؟
ساعة واحدة والآذان يُرفع ،اللهم كُن مع اولئك اللاجئين والمهاجرين الصابرين والمرابطين ،مع الحزانى
والأيتام والمحرومين

بعد ما تروحوا الشام طلعوا لتركيا عندي على العالي الهويات حلوة ومنعشة نفطر ونتسحر والباص بيضلوا ناطر
كل واحد لغاية باب بيته التوصيل

نشرب الشاي والقهوة وناكل البقلاوة ونتابع سلسلة المسلسلات الطوووووووووووووووووويلة
التي لم أتابعها
وهكذا

[سلمان الراجحي]

السلام عليكم...

الله يتقبل صيامكم...وأنا سألتحق بالباص وأترك الحراسه

لأن اليوم مافي متسسللين...شكرا أ.منذر على المحاشي سلمنا على الوالده والعائله

مرحبا ميساء...اليوم رشيد ملتزم ما بيتسلل...فقط أنا متسلل على المساجلة الشعرية

شكرا ميساء على الحلويات وعزومة عروبه على الهواء الطلق نصيره وخالد...

سجلوا غائبين...تحياتي

[د. منذر أبوشعر]

أنا حردان وبطَّلت العزومة ! كل واحد ياكل لحاله ويصطفل !
شو هاد أ. عروبة، نكون مبسوطين بلمة الحبايب وأنت بتجي بكل بساطة وتقولي تعالوا عندي أحلى وأجمل؟! هادا مابيصير أبداً، الحضور قررناه لعندي، ويللا بسرعة الأكل برد ،والأذان أذّن !
صحيح أنت دلوعة الخيمة ومابنقدر نقول لك لأ، لكني أنا حأقول لك:لأ لألأ.وأنا الختيار بينكم وكلمتي مسموعة !

[ميساء البشيتي]

طول بالك يا أبوأنس وإن شاء الله يكون الاسم صحيح أبو أنس
بنفطر بالشام وبنتسحر بتركيا .. شو عليه عزومتين أحسن من عزومة واحدة
ههههههههههههههههههه
بكرة بنفطر في العراق وبنتسحر بالمغرب
ههههههههههههههههه
الله يكثر الحبايب ويكثر العزايم
يا رب
وهدي بالنا واحمي بلادنا يا رب