[زاهية بنت البحر]

بِكـْتـُبْ قِصَصْ
بِرسُمْ صًوَرْ مِنْ هالدِّني
وبْعَـلـِّـقـَا بقلبْ الزّمنْ
وبصَحِّـفا
بخليِّها تبكي بالدّمعْ مرَّة
وفرحْ مرَّاتْ ياما كنتْ ضوِّيْ متحَـفا
لـَك ياشِعِرْ
عمريْ الحقيقي بملعَبَكْ
وبراتو مابحسِّ الدِّني فيها وفا
خلقنا سوا
ربينا سوا
والدَّمعه بينْ النَّاس كنا نجفـِّفا
وبيناتنا عاش الهوى بصدق وحنانْ
ربينا ع شطِّ البحر
واشربنا الصَّـفا
ورَح ضلّْ أكتبْ حتَّى يخلُصْ هالعمرْ
وبعدي أنا بتبكي القصايدْ مغرِفا
لـَكْ ياشعرٍ
كلِّ الحقيقةْ يَللي إنتَ بتعرِفا
ربِّ القدرْ هويِّ اللي صاغا وصرَّفا
تعمـْشـَقِتْ طفله زغيره بدي طالها
واكبرت لمَّا وصلْتْ بدي اقطِفا
بقطفْ
مابقطفْ
شوبقي من هالعمرْ
كم ساعة حلوي بسْ فيه بعدا الجفا
لـَكْ وينْ بدِي فِلْ من حبَّك أنا
وبعرِف بإنه الرَّب ْ هويِّ اللي اصطفى
وهالموس ع الحدَّين رَحْ يضرب خَلاص
شو قولتك معقولْ يضرب بالخفا؟
تعـَلـَّمِتْ إنّو الدّنيا ماإلها أمانْ
وماني زغِيره حتَّى عيني إطرفا
لكن اذا حَسَّيَتْ إنو الموجْ سارقني
رَحْ إمْسُكِ الدَّفه ولعندك إحرفا
لـَكْ ياشعر
اجبلني بكلماتِ الفرحْ
شو بخافْ من ليلِ البردْ بعدِ الدَّفا
طيِّرْني فوقِ الرِّيحْ
فوق ْالغيمْ
فوق ِبلادْ مافيها ثواني إضْعـَفا
بدي إيديكْ اطــَّال نجماتِ السَّما
تقطِّفْ قناديلا وعَ كتبي تصفـِّـفـا
وتشلحْني من نجمه على نجمه
وترجع ْإلي عشقانْ
ع ولفو لفا
شعر
زاهية بنت البحر

[ناجية عامر]

بعد عمر طويل حبيبتي الشاعرة زاهية بنت البحر

الدنيا صح ما فيها أمان
الواثق فيها شيطان
المؤمن حبو بالله مليان
ساعدنا يا رب
على الخير و الاحسان

لك مودتي

[زاهية بنت البحر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ناجية عامر بعد عمر طويل حبيبتي الشاعرة زاهية بنت البحر الدنيا صح ما فيها أمان الواثق فيها شيطان المؤمن حبو بالله مليان ساعدنا يا رب على الخير و الاحسان لك مودتي

بارك ربي فيك أستاذة ناجية عامر أختي الغالية
أشكرك على الحضور والدعاء الطيب راجية الله لك سعادة الدارين
والا يجعلني أحيد عن طريق الحق بكلمة لاترضيه جهلا أو عن سوء نية.
أختك
زاهية بنت البحر

[عادل ابوعمر]

هذه الكلمات الجميلة أنعشت القلب قبل الآن؟ أم أنني أشم نفس العطر من زهرة أخرى من زهورك العاطرة ؟!