[د. منذر أبوشعر]

أنا معكن ..تعالوا نقعد ونحكي عن اللاشيء !
معقول يكون هيك الحكي ؟!
شو بدنا نحكي ؟! كلنا مهمومين وكلنا مأزومين ،ومافي جيبتنا غير القرف !
مشان ألله واحد يحكي لنا شي قصة حلوة ،أو نكتة ظريفة !
ووين القهوة ؟وإلاَّ بطَّلتي ! والله الريحة علقانة بأنفي وهاتولكن شي فنجانين على الرواق، ولا تخافوا معي دخاناتي .

[Arouba Shankan]

في الواقع والحقيقة معكم/ن ،كل الحق كل شي صار بيخلينا عايشين العصبية
من جهتي عم أحكي مع حالي ،،رحت وجيت ،جيت ورحت ،وبعدني بحكي مع حالي
تحت المطر ومعي شمسية ،،تمرجحت وتذكرت يارا اللي بيتمرجح العمر عاجدايلها
تذكرت ضحكات الطفولة ،،اللي بعدا بزوايا الحيطان ،،وتذكرت البيوت المنكوبة
بدون ما نجيب سيرة النكبات

تفضلوا القهوة ،،وخلينا ناطرين ،،شي حدا ،يرندح قصيدة ،،مغيبها من شي كتاب

[د. منذر أبوشعر]

ياالله يا جماعة ! يبلِّش شي واحد بسرعة ،ومو أنا بالأكيد،لأنه أنا في مخيلتي غير الهم والنكد !

[ميساء البشيتي]

عارفين شو أنا بتمنى لو دماغنا فينا نعمل منه "ديليت " يعني حذف
دماغي معجوق بطريقة بحس أنه ممكن تصير حوادث مرور فيه
كيف فينا نخلع كل شيء لو لساعة زمن إن كان كل نص ساعة في شيء
بينتظر أنك تعمله .. أعلن تعبي .. وتعبي الشديد.. وضاق خلقي
لكن فينا نشرب فنجان قهوة صغنون وأخي منذر يدخن سجايره لأنه أنا شخصياً
أخذت أرغيلتي لكنها صدعتني شوي .. بس فنجان قهوة .. وروااااااااااااااااااااااق
يا ريت شوية رواق وعروبة صكي عالأخبار نص ساعة بس

[د. منذر أبوشعر]

الساعة الآن 12 مساء ،بدي أقول لكم تصبحوا على خير ،حاكم الآن أمامي سهرة طويلة بعد أن أنهيت رواية نجيب محفوظ ( أولاد حارتنا) ويللي ساووا حولها جدل بلا طعمة ،من أنه مس الذات الألهية بوصفه (للجبلاوي) ،أنه حكاية من حكايات الحارة ! وأنا بظن أنه استخدم رمز الأديان وسلطة الفتوات (العسكر) لتصوير حال مصر في فترة الراحل عبد الناصر ،بأسلوب رمزي ،قد لا يرضاه التقليديون ،والمغالون (بالنزاهة )و (الحرام) !
شو رأيكون تقروها ،أو ألخصها لكم ،ومنحكي عنها شوي ؟
وإلا بلا وجع قلب ،وعمرو ماحدا يورث ؟

[Arouba Shankan]

بل نقرأها ونقرأ تلخيصكم أ.منذر أبو شعر
انتصف ليل دمشق نقول لها تصبحين عى خير وأمان يادمشق
تحيتي

[ليلى مرجان]

مساء الخير لكل الأحبة

[ميساء البشيتي]

مساء الورد ليلى وعروبة وأخي منذر والجميع
متل ما قالت عروبة بنسمع ملخص وبنقرأ كمان ليش لأ
في يوم من الأيام عملنا أنا وأ. جمال السبع والدكتور شافعي عليه رحمة الله
موضوع عن أحلام مستغانمي .. كنا نقرأ كتابها الذي هو
نسيان .كوم وكنا نقرأ مع بعض عن النت .. بعث لنا اللينك الدكتور ناصر الله يرحمه
وكنا الثلاثة نقرأ مع بعضنا ونتناقش ونسأل أسئلة
كانت الفكرة حلوة كتير وتوقفت فجأة نسيت السبب .
يا ريت لو فينا نقرأ مع بعضنا أي رواية عالنت ونناقشها سوا
أنا هلأ لما مرضت حتى لا أمل أحضرت لي بنتي رواية " الأسود يليق بك "
لأحلام مستغانمي وطبعا كنت أقرأها عالنت قبل ما أمرض وقطعت فيها جزء منيح
بعدين رجعت قرأتها من الكتاب كمان مرة ولكن جاءت أزمة النقل ولأجل الحظ
توقفت عند نفس الجزء . وهي أمامي الآن ونقلتها بيدي في حقيبتي حتى لا تضيع
ومع ذلك لا أجد الوقت لقرائتها .. المهم الفكرة أن نقرأ عالنت حلوة إذا راقت لكم
وأراكم في الغد بإذن الله مع أنني في الغد سأكون مشغولة جدا لكن قد أشرب
معكم قهوة الصباح والآن تصبحون على خير .

[Arouba Shankan]

أجل أ.ميساء نذكر تلك الأيام الجميلة ،،ترى لما عجلة الأيام تدور بخيانة

من جهتي اشتريت تارخ الصهيونية من اسبوعين أقرأ فيه بتأني نظرا لكون اللغة التي كُتب
بها هي التركية ،،أريد أن أعرف وجهة نظر الأجنبي روح الاجنبي بقلم الأجنبي عن قضايانا
ربما لمن يتقن لغات آخرى الفكرة ليست جديدة بالنسبة له
لكنها جديدة وممتعة بالنسبة لي
أدركتنا الثالثة قرابة الفجر ،،انهيت قهوتي ،،نلتقي بعد ساعات بإذنه تعالى

تصبحون على خير

[رشيد الميموني]

صباح الخير والمحبة ..
فكرة أكثر من رائعة وأتمنى أن تلقى تجاوبا كبيرا .
كما قلت ميساء كثير من الملفات كانت تفتح ثم تغلق فجأة ، وأذكر أنه كان هناك ملف أو ملفان ينحوان نفس المنحى وكنت أشارك فيهما الأخوات هيام وشيماء وعروبة في إدراج ملخص عن كتاب أو الحديث عن محاضرة ..
الملف بعنوان :"اقرأ وفكر معي" .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]