[فهيم رياض]

لو كنت ممحاة لمحوت " لو كان".


ياكلمة لو كان يا العرة في لفظ لساني// ياكلمة لو كان ياسلاح جميع الفنيان

كم بنيت قصور بيك بالكذب علا بنياني// ياكلمة لو كان بيك عاد المنجل نيشان

وبكلمة لوكان غير في ساع نولي غني // ياحصراه شحال درت مال بكلمة لوكان

الا نذكرها نشوف روحي سلطان زماني// ولانتركها نصيب روحي نا والشيطان

ديما في لفظي نقولها لا واحد ككاني // ملكتلي عقلي وباثة في النفس النقصان

نذكرها في ساعة الندامة فتوةشيطاني// يالوكان دريت دايما نذكرها عجلان
تلقاني في ساعة الندامة نذكرها ثاني// وانيا مشروك غير وحدي عامل ديوان
يالوكان ندير يا لو كان السعد اعطاني// وانا متوكي و نتكل غير على لوكان

اعوذ بالله من خطايا والفاظ لساني // انا في روحي ركيك فارغ وطويل لسان

يامن تسمعني نعيدلك في اللفظ معاني// ودي من نظمي الفايدة وقرا للشبان
زعمابالتنقيح في الحقيقة زوقت جناني // ماخليت فراغ في الجنان لكلمة لوكان
ساسي فيه الدمع والعرق في بنيو عياني// زاهي بيه وبيه نفتخر قبال الجيران
جربت توكيت في فراشي لا من اعطاني// التمثيل يقول السما ماتمطر ذهبان
وتقدمت خدمت درت يدي عاونت اخواني// منبعد الخدمة بصولدي حاسبت الفنيان
قلت انهض اعشي على ذراعك كيما نا راني// واذكر غير اللي وجدتها واسمح في لكان
يا حفاظ القول قيس تفهم معنة غيواني// واوزن راك تصيب ساس قولي قاف وميزان
واذاكنت لبيب بعد منظومي ماتنساني// ثبت عن اسمي قول من بعدي قال فلان
اسمي دال ورا وياوزيدالليف الوسطاني// والسين مع الهاء الخاتمة اسم بلا نقصان

الفنان الجزائري : رابح درياسة .

[ناهد شما]

كم نحتاج من الوقت ومن العمر لنمسح معاناة الكثيرمن البشر الذين يعيشون حياة بائسة وحياة ظلم في بلادهم بسبب الطائفية التي فرضتها العقول المتحجرة
شكرا لمن ساعدني في هذا الملف ليمسح أشياء يمقتها في حياته
دمتم بخير