[أسماء بوستة]

مساء الخيرات و الأنوار
كيف حالكم؟؟؟
تسلمي حاجة ناهد على كل شيء، عل الضيافة الحلوة و خاصة الاكل الفلسطيني ، عل العمرة إلي أحلى ما فيها إنك إنتي دليلنا فيها
الله يخليلك الصبايا و تفرحي بيهم يا رب
و الله يمنحك الصحة و العمر و عن جد نجتمع للعمرة و تكوني موجهتنا
انا كنت معكم من أول وصول الطيارة لمطار جدة لزيارة معالم جدة للعشاء الفاخرو الفاكهة و الحلو...يسلمو إديكي و إدين الصبايا
عملت معكم عمرة، و صدقا هذه اول مرة اطلع على مراحل العمرة...جازاك الله خيرا غاليتي
وزرت معكم المدينة المنورة...سأصدقكم أني تخيلت نفسي حقيقة أمام قبر سيد الأنام الحبيب المصطفى عليه الصلاة و السلام
حبيبتي الحاجة ناهد شكرا من اعماق قلبي لهذه الإستظافة الرائعة
غاليتي الأستاذة بوران، رحلة ممتعة لماليزيا ...يا ريت تأخذينا معك ...بامزح فقط حبيبتي..إرتاحي و إنبسطي و لما ترجعي على خير إحكيلنا عن الرحلة
الأستاذة ميساء الغالية..شكرا على هذه اللمة الحلوة مع الاحبة و على فكرة الزيارة للحاجة ناهد..كانت احلى فكرة ..الله يخليكي لينا ام فداء
مساء سعيد لكل الاحبة

[بوران شما]

الأحبة جميعا في منتدى فنجان القهوة خاصة , ومنتدى نور الأدب عامة..
أطل عليكم الآن لأودعكم .. فأنا غدا بإذن الله سأسافر إلى ماليزيا
كما أخبرتكم . ولا أظن بأنني سأستطيع التواصل معكم خلال سفري.
دعواتكم لي , وأرجو أن أعود , وتكونوا جميعا بألف خير وصحة .
وكنت أتمنى لو كان كل الأحبة معي في هذه الرحلة .
لكم جميعا خالص محبتي .

[نصيرة تختوخ]

سفر سعيد أخت بوران , هذه لينة يبدو أنها تريد دخول مساحة البوح حقيقي تبكي لأني أمنعها أن تضرب على لوحة المفاتيح..
كونوا بخير وياليتك ياحاجة تعلمينا القليل من اللهجة السعودية.

[ميساء البشيتي]

صباح الخير يا حبايب

تأخرت عليكم مبارح .. معلش .. نور الأدب جنني مو راضي يفتح

الله يستر اليوم ما يغلبني كمان .. انا غيرت جهازي أخشى أن يكون البطء منه

ناهد حبيبتي

اولا بدنا نشكرك على كل شيء قدمتيه لنا فأنت كفيت ووفيت

واللي قدمتيه لنا لم يقدمه أحد على الإطلاق

غاليتي كنا قبل فترة نتحدث انا وانت وقلت لك بكرة يا ناهد بترجعي من الحج

بالسلامة وبتخبرينا شو صار معك من مواقف طريفة هناك وقلت ان شاءالله

وما صار لنا فرصة نتحدث .. بقى شو عندك هلأ تخبرينا ؟؟؟؟؟؟؟؟؟؟؟

[ميساء البشيتي]

غاليتي بوران

ان شاء الله تروحي وترجعي لنا بالسلامة

وان شاء الله تنبسطي كتير وبدنا نسمع حكايات حلوة كتير

بوران .. ربنا يكون معك ويوفقك ويسعدك

وانت كمان ديري بالك على حالك منيح

وانا والجميع بانتظار على احر من الجمر يا غالية

[ميساء البشيتي]

جمال

انا مبسوطة انه ذوقك بالاغاني بيشبه ذوقي وذوق بناتي كتير

ماجد المهندس له شعبية كبيرة عنا بالبيت وكذلك فضل

ما رأيك بكاظم وأغنيته الجديدة سيدي القاضي

بصراحة بمووووووووووت عليها ...

الله يعطيك العافية جمال وقبلاتي لمي

[ميساء البشيتي]

اما انت يا اسماء فلمن اشكيك ؟؟؟

قولي لي بس لمين أشكيك ؟؟

أعمل فيك مثل كاظم بسيدي القاضي بيجيني يوم وبيغيب شهر

شو كل هذا الغياب وبس تيجي بتاكلي عقلنا بكلامك الحلوووووووووو

وبتنسينا نعاتبك ..

ممنوع الغياب اسماء .. انتو لسه صبايا .. كل شوي تعبانة ومو قادرة

انت وآمال ونصيرة ممنوع تغيبوا .. كل يوم بدي اشوفك هون انت واياهم

واللي عندها دراسة تجيب كتبها وهون بتدرس وهي رشيد ونصيرة اساتذة بيساعدوهم

مو تقولوا بدي ألهيكم وانت اسماء حبيبتي ما بدي أعذار .. انا ما عم أعرف أغيب لأنك

مش هون ... هههههههههههههه .. مزحة اسماء .. عن جد بتوحشك برشة .. كيف مزبوطة؟؟؟

[ميساء البشيتي]

ولباقي الغياب بقول كلمة واحدة فقط

اللي ما بيشرب قهوتنا كيف بده يكون نهار حلوووووووووو

ما في داعي انادي بالأسم عروبة وناجية عارفين حالهم منيح

ومرفت صايرة ضعيفة بالحضور على الآخر ............

بدنا نجتمع عاد بيكفي غياب .. طيب انا اشتقت الكم انتو شو ؟؟؟؟؟؟؟؟؟؟

[ميساء البشيتي]

ابن البد

عبدالله الخطيب

وينك ؟؟؟؟؟؟؟؟؟؟؟؟؟

بدي ادور على فيروز زوروني كل سنة مرة

هلأ جمال الله يرضى عليه هو بيحضرها

عبدالله ما بدها كل هذا الغياب

طل علينا واشرب قهوة وتيسر على شغلك

ما راح اعوقك ... ههههههههههه .. بانتظارك عبدالله

[ميساء البشيتي]

عادل عادل

اينك

انت ما بتعرف انه قهوتنا مثل النيل اللي بيشرب منها

لا بد ما يرجع الها

وعدا عن ذلك هون مساحة للبوح والفضفضة

وانت سيد البوح والفضفضة فلماذا لا تتواجد هنا

عادل

بانتظارك