[خولة السعيد]

الحلوة قالت :
:واسمع ياريسنا المقال
الحلوة لا بيغريها مال بأي حال
مش فارقة ماس ولا لولي
ولا جزمة كعب عال العال
ولا شنطة جلدها عجولي
الصدق عيد ورؤيتو دايمه الهلال
للي شاري يوم حلولي
بنات الأصل ما تعديش يا خال
وهي دي ديما أصولي
يفيد بإيه الدهب ودمعنا سيال
ومنو ياما.. منو راحو جابولي
لبس الماسات للي عاشق للخيال
احنا الذهب والماس وقلبنا لولي
واسأل ديارنا ناس طعمونا حلال
دي القناعة وكأسها المليان فاتولي
وجاي تقولي كيس ملبس ، حنة هندي أبصر ريال
ياسدنا زدنا ، خدلك صاعين وشيل حمولي
احنا اللي يغرينا زي اللي فينا من جمال
طيبو سابق فتق جيبو منصف عدولي
لا تغيرو الأهوال أو ضيق ويسر بأي حال
واللي يجي قبل ما يروحلو فضولي
واللي ما يقسى ولا ينسى ولا يرضيه بناالأبدال
لو تعرفوا فين سكتو قولولي ..
تغريني ليه وبتفتكر حكايتنا شال
أو بالطو فرو وتوب حرير هتفصلولي
كل الحكاية انك تقول شيء مش محال
وانك تدوقني الأمان أو تهدهولي
وغير كدا مش عايزة ادوق طعم الوبال
لا بشال ومال وحلق وخذلان ترضاهولي
خليني لو نامت بعيد عينك وزال
عني الهوا الذكرى من غير الألم هتردهولي
لو غاوي تناغيك اللعب مثل الجهال
وفر سنين عمرك و عمر تعبتهولي ..
23/05/2022
https://nooreladab.com/showthread.php?t=34850

[خولة السعيد]

رد: الحلوة قالت .......
اقتباس
مشاهدة المشاركة المشاركة الأصلية كتبت بواسطة سيد يوسف مرسي

مجاراه
كنت عارف وقلبي قلي
بكره تيجي من غير سؤال
في أي لحظة تبقي يدي
والكلام يبقى ميزان
عارفه ليه عشان بعزك
واللي شاري جيدا شاري
واللي بائع حبه الجنيه
أنتي عارفه الدنيا هايصه
واللي ياخد لا بد يدي
واللي يدي عايز الجنيه
أود فيكي وتنسي ودي
وتشوفي دمعي على الخد نازل
أنده ما تيجي .. أصرخ ما تيجي
عايش أهنن في الحلوة تيجي
صابر وأغلي ع النار في قلبي
شايل حمولي واداري ف همومي
واقول بكرة ترجع ...!
ما انتي عارفه الحب قاسي
بعت أهلي وكل ناسي
وخلتيني عايش لوحدي
جو داري .. في الطريق ... أتلقى وعدي
مش حقولك .. هاتي إيدك
ولا حطي ودنك جنب قلبي
ولا شقي صدري بضاوفرك
واسمعي وشوفي فين مكانتك
دوقيني طعم الحنان .. دوقيني طعم الوئام
العمر ولى ومفيش كلام
اشتريتك وانتي يعني
وانتي عارفه من زمان
يوم خدتك من بيت ابوكي
كنت طائر كالحمام
والمهارة بقيت كارنب
في الحظيرة لا زم انام
يا قولي إيه تعوزي
قرط مدهب ولا مال ...؟
الله الله قمة الابداع والجمال قمة التفاعل الراقي
شاعرتنا وأديبنا أستاذة عزة باقة ورد لكم وتحية بحجم السماء





محاراه

اي مال ولا حلق ؟!
إحلف برب اللي خلق
إن الجنيه هو الحقيقة
عشان أكون منك بريئة
واحرمك كرسي التراس
لا تسامرني ولا تقاعدني
لو هتحلف وتعاندني
تنده وتصرخ واما اجيلك
تعملي نفسك مش قاصدني !!
مال إيه يا واد انت اللي اعوزو ؟!
هي المعزة بيبعوها ف سوق خضار
ولا فارش بيها عيل في الحسين لاويلنا بوزو
ولا بيراهنو عليها في الرولت وف القمار؟
دي المحبة فطرة سجية من السما
ف الروح وف القلب العمار
لو عشت طول عمرك تدور يمكن تلاقي ،
و لو ان صعب تلاقي جنة ف وسط نار
صعب ان تتوقع ف صحرا باب لدار
مين كان زرع أرض الدمار
ورد الأمان لو يتزرع فيها انتحار
وتقولي مال؟!!!!!!!!!!!!
أي مال راح يشتري الليل والنهار ؟؟!!
أي مال قال للنجوم ماتحدفيش شهب الشرار
ولا قال للغيمة اوعي تمطري إلا بقرار
يمكن بيتحكم ف ناس وللأسف ..
لكن ف ناس فاهمة الحقيقة مقدمة فيه اعتذار
في حاجات نقدر نجيبها بالفلوس
مخلوقة على أرض الأرانب والتيوس
وحاجات مكانها في السما ،
نادرة على أرض النفوس
سمعت عن الحديد وحجر الجنة ف الحرم
سمعت عن التابوت وسمكة حوت وناقة من صخر الكرم
وحاجات كثير ندرتها ضربوها مثل
منها المحبة والمعزة وقلوب اقفلها من دهب
مفاتيحها من ماس الوفا والصدق والنور والأمل
ايه حكايتك بتساومني ؟ اوعه بالفاني تزاولني
ولا بالحب تجاملني ..
لما جيت والدي طالبني ، بجناح حمام اخضر جاذبني
قلت له موافقة يا بويا أصلو عاجبني
بس شرط معاه أطير واشبكوني بجناحين
وشال اخضر خيطو حرير
وعلموني ازاي جناحي يبقى بجناحو أسير
لكن بلحظة وقت منسية بكت الضحية
لما الحمام طار ف الهوا وهواه كسير
ونقول كمان: مال إيه ياواد انت اللي اعوزو ؟!
دي قناعة وحب جوايا ومش مسموح تفرقهم
بلون قلبي بالأبيض وبفصل كل ألواني
ونشف لي الكلام ريقي تعبت اشرح وينساني
كلام الليل أنا إن قولتو فمرة بقولو مش تاني
وقلت الكلمة واسمعها أنا ولاعاوزة مال ولا جاه
أنا الأموال وكنز الحال ولولي وماس
وعطر انفاس ما بين الناس صفاتي جمال ملازماني .
24/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

رد: الحلوة قالت .......
واضح كدا ما فهمتنيش
كيف انا بدونك اعيش
بعد إذنك رايحه مشوار
واما هرجع هفهمك كل الحوار
من غير خناق من شجار
يلا راح افوتك بعافية
خلي بالك م الولاد
راجعة نتفاهم وبدون عناد
لسه القلوب جوانا دافية
بس روق انت يا ريس
وجهز لنا م الشاي كاسين
مشواري هقضيه ف السريع
مش هياخد غير يومين
أو يمكن اسرع من كدا
ما تقول يارب عشان اقول بعدك آمين ...
تحياتي.
26/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

رد: الحلوة قالت .......
الله يارب يسلمك .
واوصل اكيد هكلمك
في جواب ع الطاولة
أنا فايتاهولك
خلي بالك لو قريتو
في ورد مني ع البوفيه
أنا سيباهولك
يارب تكون شوفتو ورويتو
كان ممكن ارويه قبل ما امشي
إوعاك تفكرني نسيتو
أنا سيبتو ليك متعمدة
عشان بريحتي يفكرك
وإن افتكرتو اكيد هحس بالرضا
ولما اوصل هكلمك واطمنك
ولو حبيت اغنيلك
وراس حماتك بعد البوسة تدعيلك
وأنا عارفة مش عايز وصاية
معاك ولادنا أو معايا
أنا سايبه سندي من ورايا
متاكده من حبهم
يمكن عشان أنا امهم
وحاول تنام بدري يا صبري
بخاف عليك انا م السهر
استنى لم ارجع هنسهر
نتسلى على ضوء القمر
أنا مش هغيب
ولا هتلحق اوحشك
يا دوب يومين
وتشوفني جنبك بدوشك ..
27/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

رد: الحلوة قالت .......
الله يارب يسلمك .
واوصل اكيد هكلمك
في جواب ع الطاولة
أنا فايتاهولك
خلي بالك لو قريتو
في ورد مني ع البوفيه
أنا سيباهولك
يارب تكون شوفتو ورويتو
كان ممكن ارويه قبل ما امشي
إوعاك تفكرني نسيتو
أنا سيبتو ليك متعمدة
عشان بريحتي يفكرك
وإن افتكرتو اكيد هحس بالرضا
ولما اوصل هكلمك واطمنك
ولو حبيت اغنيلك
وراس حماتك بعد البوسة تدعيلك
وأنا عارفة مش عايز وصاية
معاك ولادنا أو معايا
أنا سايبه سندي من ورايا
متاكده من حبهم
يمكن عشان أنا امهم
وحاول تنام بدري يا صبري
بخاف عليك انا م السهر
استنى لم ارجع هنسهر
نتسلى على ضوء القمر
أنا مش هغيب
ولا هتلحق اوحشك
يا دوب يومين
وتشوفني جنبك بدوشك ..
27/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

ظ±ه منك
ظ±ه منك ومن كلامك
ست ناعمة وكيف خصامك
صرت أدوب في خيالك
شهد .. سكر .. في جمالك
فتشت بيتي حته .. حته
وقلت جايز ألقى نفسي في دولابك
أي حته كنتي فيها
والرجل دبت في منايا
أنا داخل وبسم ريحتك
والجواب فيه البشاير
والورد ضحك في وشي
خلاني أصبر على الحبايب
المفاجاه لما اشوفك
في البوفيه في الصالون
قدام مرظ±يه ....
خلي بالك من الخجول ..
ابن عز وفيه أصول
مش مهم يملك قصور
المهم قلبه صافي
والحياة معاه تبقى سرور
ظ±ه منك ومن كلامك
ادعيلي بنيه صافيه
ربنا يجعل فيك القبول
وهات قلبك جنب قلبي
وشوفي بنفسك ...
أمتى كان بينهم نفور
وكوني صادقه في عودك
لما تيجي تغني غنوة
من زمان أعشق صداها
عارفه ايه.....؟
أنساك ازي .. أزي أنساك ...
وانت في قلبي أصبحت ملاك
أو حتى فكريني ...
بالبنت اللي بتغني ...
ياما سهرت أيام وليالي
ياما أسمعت كلام وحجازي
واليوم جيتك وبدي اغني
ونفسي أغني على موالي
نفسي احكيلك عل مسكني
وأمسك دمعي بطرفي وكمي
يالا تعالي وغني ...
وانا مستني
تصبريني .. تسكتيني .. تسيديني
مهما قلتي حكون برضه صبور
واللي قلته مش حعيده
وفي انتظارك ... يا أحلى ست
جو عيني ... جو قلبي
يكفيني منك ...ابتسامة ... كلمة حلوة
والعمر كله للحبيبة بنت الاصول
وانا فانتظارك.
27/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

رد: الحلوة قالت .......
ف النية أنا كنت جايه
لكن حماتك ماسكة فيا
بتقولي خليكي شوية
أنا أصلي بوحشها تملي
وتملي بتنادي عليا
ما انت عارف
لما يحنينا المشيب
يسندنا مين غير الحبيب
وأنا لما كنت صغيرة
كات هي امي وانا بنتها
وانهاردة هي بنتي
وأنا اللي بكون لها امها
مش عايزة اغيب عنك كتير
الورد خايفة عطرو يطير
ويكون نسي عطري الأمير
طيب يا صبري
امي بتنادي عليا
وانت انا اديلك عنيه
ونبض قلبي وغنوتي
أنا قولت اكتبلك جواب
اشرح ظروفي وكل قلقي
وخوفي آني عنك اغيب
واسلم عليك
واقول مش ناسيك
وعن تأخيري اعتذر
خاطرك ياصبري
28/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
حباه يطيب ..

[خولة السعيد]

رد: الحلوة قالت .......
عن النص المحذوف بنرد
عندك حق ف كل ما قلت
هو اللي يجمل في الروح
ويزيد طيب على طيب القلب
لكن سنة عليها الدنيا
كدب وصدق يكون في الأرض
لو كان بس الصدق هيمشي
بين الناس والله والفرد
كنا ازاي هنفرق شوكنا
وللا هنعرف منو الورد
الكذاب بيلاقي مصيرو
وبردو الصادق يوم العرض
فعشان كدا نبدأ بنفوسنا
ونعاهد على صدقنا بعض
واما عيون الخلق تشوفنا
وجمال صدقنا يطرح ورد
فكتير من ناس هتقلدنا
والضلمة تصير نور على الأرض
عارفة انها جنة أمانينا
بتحلم لينا صفا بالوجد
لكن دار أضاد سكتها
كذب وصدق كحر وبرد
شر وخير ف النفس الواحدة
والشاطر يغلبها بجد
فتعالى أكتر ما هنزرع
صدقنا فينا يد بيد .
28/05/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

الإمتنان يا صديقي ...
الإمتنان يا صديقي ..
أن أنقش الورد في ناظريك وشما ،
كما أحليت لي صبار ضيقي ،
أن أسجد في جفون الليل
مراسلا بعد السماء عنك
بدعوة القلب الأنيق
أن أقسو على ذاتي
إذا كذبت فيك حرفا
وأنت تديم تصديقي
الإمتنان أن يكون إليك قلبي مشرقا
يرتديك في عتم الحلوك
كما كنت قنديلا يضيء بالدجى طريقي
الإمتنان أن أواجه نسم حبك
بحرائر الوفا ، وشذا عهدي الوثيق
أن أطفيء زمهرير اليأس في شتاء عمرك
كما أطفأت نيراني ووحشتي وتوقي
أن أشد على يديك حين يجلدك النهي
كما أوثقت غربتي ، أوسعت لي عرض المضيق
الإمتنان :
أن أكتب اسمك في تاريخي وطن
كما وطئت أنت روحي ،
وعبرت في أحياء صدرك مستوطنا
بمدينتك الودود المعبق العتيق
كم احتفيت بطلتي ، وكأنني الأثر العريق
كم حيث ما شاءت عيوني نظرتني
فحيث ما شاءت عيونك
سيشاء لك دوما بريقي
فكم حضرت في غياب
وغبت إذا حضر العتاب
وضممتك في تخيولاتي
أينما كنت يارفيقي
ألا لا نسيان يعرفني ،
حين صرت أنت منقذي
وصرت لديك أنا الغريق
كما امتلأت بي صدرا ،
ملأت بذكريات وصلك صناديقي
الإمتنان يا صديقي
أن أبقى عليك مادامت الأنفاس صاعدة
مادام يجري بالفاه ريقي .
25/04/2022
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[خولة السعيد]

مهمة صعبة
[align=justify][align=justify]مهمة صعبة
كانت مهمتها صعبة للغاية .. أشبه بتعلم السباحة ..في حمام الزيت.. ومؤكد ..أنه ضرب ..من ضروب المستحيل..فقد كان عليها ..إما أن تكسر الإناء الفخاري.. الذي يعد إرثه الوحيد ..من جده.. والذي ألبسه إياه.. في رأسه ..منذ لحظة ولادته..تيمنا بأجداده الأولون..عقب التكبير ..والإقامة.. في أذنيه ..مباشرة ..وذلك سوف يعرض رأسه للصدمة.. وربما للموت ..وإما أن تساعده ..في أن تكبر رأسه.. فينفلق الإناء تلقائيا..وفي كلتا الحالتين.. الأمر صعب والخسارة متوقعة .
[/align][/align]
23/07/2016
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]