|
أمثال شعبية مصرية
** [align=justify]العصفور بيتفلى والصياد بيتقلى . :sm217:
** لو كان فيها خير ما كان رماها الطير . ** من قدم السبت يلقى الحد قدامة . ** من جاور الحداد ينكوى بناره . ** من خدم الناس صارت الناس خدامة. ** من غربل الناس نخلوه ومن شكر الناس مدحوه . ** نضف بيتك ورشه ما تعرف مين يخشه . ** اللى يعرف الشحات بابه يا طول عذابه . ** قط ملك ولا غزال شرك . ** عرايا مأفأفين جابوا بعشاهم ياسمين . ** عداوة الأقارب زى لسع العقارب . ** سمسم يا حلاوة ما محبة الا بعد عداوة . ** صاحب صنعة خير من صاحب قلعة . ** صاحب يودك ولا أخ يصدك . ** ضربنى وبكى وسبقنى واشتكى . ** عدو زمان مالوش أمان .[/align] على فكرة لدى من الامثال أكثر من 500 مثل أرجو ان تنال اعجابكم . |
رد: أمثال شعبية مصرية
[align=justify]
تحياتي أستاذة مرمر جميلة جداً فأكملي شكراً لك [/align] |
رد: أمثال شعبية مصرية
الأخت الفاضلة و الأديبة الواعية / هدى نور الدين
أسعدنى مرورك فشكرا لك .أتمنى أن أكون عند حسن ظنكم. |
من الأمثال الشعبية المصرية.
*** غير من جارك ولا تحسده .
*** اللى تخاف منه مايجيش أحسن منه . *** على قد لحافك مد رجليك . :sm128: *** اللى له ظهر ما ينضربش على بطنه . *** يا بانى قصر بالفايظ ح يسقط ده الأساس بايظ . *** ربى نعجة ولا خروف تأكل لحمة وتلبس صوف . *** زى المنشار طالع واكل نازل واكل . *** إجرى يابن آدم جرى الوحوش غير رزقك لم تحوش . *** مكسور ما تاكلى صحيح ما تكسرى وكلى يا مرات إبنى وإشبعى . |
أمثال شعبية مصرية
* * بنت الأكابر غالية ولو كانت جارية .
** بفلوسك بنت السلطان عروسك . ** خد بنت الأصل ولو بارت تدور مع الأيام لو دارت . ** اللى يعمل النسوان تجارته يا خسارته . ** اصبرى يا ستيت لما يخلا لك البيت . ** قالت با بنتى خايفة عليكى من العيلة ... قالت يامه لسانى معايا واغلب . ** الأب عاشق والأم غيرانه و البنت حيرانه . ** جوزتها تتاخر راحت جابت لى دا راخر . ** خدى لك راجل بالليل غفير وبالنهار أجير . ** رايحة فين با هابلة رايحة أعدل المايلة .:sm234: |
من الأمثال الشعبية المصرية.
قلبى على ولدى انفطر وقلب ولدى عليه حجر.
يا دى الشيلة ويا دى الحطة راح على جمل وجه على قطة . الحاجة فى السوق تقول نينى نينى لما يجى الخايب يشترينى . الحس مسنى وأبات مهنى ولا كبابك اللى قتلنى . قال ياصياد واصطدت اشى قال اللى فى الشبكة مشى . اللى يريدك ريدة ومن خيرك زيدة . اضرب لك الأرض تطلع بطيخ . الجعجعة ما منهاش منفعة . الشجرة اللى ما تظلل على أهلها تستاهل قطعها . اللى عنده مال محيره يشترى حمام ويطيره .:sm234: |
امثال شعبية مصرية
اللى مكتوب عليه لازم أراه ولو كنت فى قمقم عليه غطاه .:sm237:
الفقير لا يتهادى ولا يتنادى ولا يتسمع له فى الجمع شهادة . الغنى ان شكتة شوكة تبقى جميع الناس فى دوكة . حطى جوزك على السطوح ان كان فيه خير ما يروح . عدى على عدوك معرش ولا تعديش مكرش . عرق ورا ودنهم ما يحبش مرات ابنهم " الحموات " الحماه لوحلاوة سمسميه ماتبطلش أذيه . جوز البنية أشيله فى ننى عنية . نضف بيتك ورشه ما تعرف مين يخشه . لا مليح ولا نفاق ولا طيب الأخلاق . |
من الأمثال الشعبية المصرية.
شيل ده من ده يرتاح ده عن ده .
شماتة الحساد تفتت الأكباد . صاحب صنعة خير من صاحب قلعة . صاحب يودك ولا أخ يصدك . صاحب بالين كداب . خد من التل يختل . خد من الزرايب ولا تاخد من القرايب . خدتك أكيد العوازل كدت انا روحى . اللى على راسة بطحة يحسس عليها . اللى ما يسمع ياكل لما يشبع .:sm237: |
من أمثالنا المصرية
ايش كبرك عنه وانت ابن عمه .
أكل فوله ورجع لأصوله . عصبه حرير على غطا زير . لا مليح ولا نفاق ولا طيب الأخلاق . قبل ما يشوفوه قالوا كويس زى أبوه . ضربنى وبكى وسبقنى واشتكى . زى عواجيزالفرح أكل ونقورة . راحت السكرة وجاءت الفكرة . زى الفريك ما يحبش شريك . بعد نومته مع الجديان بقى له مطلة مع الجيران .:sm144: |
من أمثالنا المصرية
الدار دار أبونا والغرب يطردونا .
امشى فى جنازة ولا تمشيش فى جوازة . هننونى وبننونى وعرفونى سكة اللى ولدونى . داين تدان يا مضاغ اللبان .. يا خبر بفلوس بكرة يبقى ببلاش . ضرب الحبيب زى أكل الزبيب . بكرة نقعد على الحيطة ونسمع الزيطة . اللى يشيل قربة مقطوعة تخر على دماغة . اللى ما يعرفك يجهلك . طول عمرك يا رضا و انت كدا .:sm237: |
| الساعة الآن 37 : 02 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية