أمثال شعبية مصرية

مرمر يوسف · 07 / 03 / 2009, 47 : 12 AM

** [align=justify]العصفور بيتفلى والصياد بيتقلى .

** لو كان فيها خير ما كان رماها الطير .

** من قدم السبت يلقى الحد قدامة .

** من جاور الحداد ينكوى بناره .

** من خدم الناس صارت الناس خدامة.

** من غربل الناس نخلوه ومن شكر الناس مدحوه .

** نضف بيتك ورشه ما تعرف مين يخشه .

** اللى يعرف الشحات بابه يا طول عذابه .

** قط ملك ولا غزال شرك .

** عرايا مأفأفين جابوا بعشاهم ياسمين .

** عداوة الأقارب زى لسع العقارب .

** سمسم يا حلاوة ما محبة الا بعد عداوة .

** صاحب صنعة خير من صاحب قلعة .

** صاحب يودك ولا أخ يصدك .

** ضربنى وبكى وسبقنى واشتكى .

** عدو زمان مالوش أمان .[/align]

على فكرة لدى من الامثال أكثر من 500 مثل أرجو ان تنال اعجابكم .

هدى نورالدين الخطيب · 15 / 03 / 2009, 53 : 03 AM

[align=justify]
تحياتي أستاذة مرمر
جميلة جداً فأكملي
شكراً لك
[/align]

مرمر يوسف · 28 / 03 / 2009, 29 : 03 AM

الأخت الفاضلة و الأديبة الواعية / هدى نور الدين

أسعدنى مرورك فشكرا لك .أتمنى أن أكون عند حسن ظنكم.

مرمر يوسف · 28 / 03 / 2009, 44 : 03 AM

*** غير من جارك ولا تحسده .

*** اللى تخاف منه مايجيش أحسن منه .

*** على قد لحافك مد رجليك .

*** اللى له ظهر ما ينضربش على بطنه .

*** يا بانى قصر بالفايظ ح يسقط ده الأساس بايظ .

*** ربى نعجة ولا خروف تأكل لحمة وتلبس صوف .

*** زى المنشار طالع واكل نازل واكل .

*** إجرى يابن آدم جرى الوحوش غير رزقك لم تحوش .

*** مكسور ما تاكلى صحيح ما تكسرى وكلى يا مرات إبنى وإشبعى .

مرمر يوسف · 02 / 04 / 2009, 45 : 09 AM

* * بنت الأكابر غالية ولو كانت جارية .

** بفلوسك بنت السلطان عروسك .

** خد بنت الأصل ولو بارت تدور مع الأيام لو دارت .

** اللى يعمل النسوان تجارته يا خسارته .

** اصبرى يا ستيت لما يخلا لك البيت .

** قالت با بنتى خايفة عليكى من العيلة ... قالت يامه لسانى معايا واغلب .

** الأب عاشق والأم غيرانه و البنت حيرانه .

** جوزتها تتاخر راحت جابت لى دا راخر .

** خدى لك راجل بالليل غفير وبالنهار أجير .

** رايحة فين با هابلة رايحة أعدل المايلة .

مرمر يوسف · 04 / 04 / 2009, 20 : 12 PM

قلبى على ولدى انفطر وقلب ولدى عليه حجر.

يا دى الشيلة ويا دى الحطة راح على جمل وجه على قطة .

الحاجة فى السوق تقول نينى نينى لما يجى الخايب يشترينى .

الحس مسنى وأبات مهنى ولا كبابك اللى قتلنى .

قال ياصياد واصطدت اشى قال اللى فى الشبكة مشى .

اللى يريدك ريدة ومن خيرك زيدة .

اضرب لك الأرض تطلع بطيخ .

الجعجعة ما منهاش منفعة .

الشجرة اللى ما تظلل على أهلها تستاهل قطعها .

اللى عنده مال محيره يشترى حمام ويطيره .

مرمر يوسف · 07 / 04 / 2009, 08 : 11 AM

اللى مكتوب عليه لازم أراه ولو كنت فى قمقم عليه غطاه .

الفقير لا يتهادى ولا يتنادى ولا يتسمع له فى الجمع شهادة .

الغنى ان شكتة شوكة تبقى جميع الناس فى دوكة .

حطى جوزك على السطوح ان كان فيه خير ما يروح .

عدى على عدوك معرش ولا تعديش مكرش .

عرق ورا ودنهم ما يحبش مرات ابنهم " الحموات "

الحماه لوحلاوة سمسميه ماتبطلش أذيه .

جوز البنية أشيله فى ننى عنية .

نضف بيتك ورشه ما تعرف مين يخشه .

لا مليح ولا نفاق ولا طيب الأخلاق .

مرمر يوسف · 11 / 04 / 2009, 05 : 11 AM

شيل ده من ده يرتاح ده عن ده .

شماتة الحساد تفتت الأكباد .

صاحب صنعة خير من صاحب قلعة .

صاحب يودك ولا أخ يصدك .

صاحب بالين كداب .

خد من التل يختل .

خد من الزرايب ولا تاخد من القرايب .

خدتك أكيد العوازل كدت انا روحى .

اللى على راسة بطحة يحسس عليها .

اللى ما يسمع ياكل لما يشبع .

مرمر يوسف · 13 / 04 / 2009, 43 : 09 AM

ايش كبرك عنه وانت ابن عمه .

أكل فوله ورجع لأصوله .

عصبه حرير على غطا زير .

لا مليح ولا نفاق ولا طيب الأخلاق .

قبل ما يشوفوه قالوا كويس زى أبوه .

ضربنى وبكى وسبقنى واشتكى .

زى عواجيزالفرح أكل ونقورة .

راحت السكرة وجاءت الفكرة .

زى الفريك ما يحبش شريك .

بعد نومته مع الجديان بقى له مطلة مع الجيران .

مرمر يوسف · 16 / 04 / 2009, 46 : 09 AM

الدار دار أبونا والغرب يطردونا .

امشى فى جنازة ولا تمشيش فى جوازة .

هننونى وبننونى وعرفونى سكة اللى ولدونى .

داين تدان يا مضاغ اللبان ..

يا خبر بفلوس بكرة يبقى ببلاش .

ضرب الحبيب زى أكل الزبيب .

بكرة نقعد على الحيطة ونسمع الزيطة .

اللى يشيل قربة مقطوعة تخر على دماغة .

اللى ما يعرفك يجهلك .

طول عمرك يا رضا و انت كدا .