يامصر ياغاليه

طارق شهاب الدين · 03 / 03 / 2011, 48 : 01 PM

يا مصر ياغا ليه ... منتش مجرد وطن
يحميكي رب الكون منتش مجرد سكن
دانتي العيال والعيله .. وانت اللي شايله الشيله
منتش مجرد وطن .. ياعيله ولمه وسكن
بدونك إيه راح اكون
فداك روحي تهون
أوقات عصيبه تكون .. وكل شده تهون
وتعيشي فوق المحن
منتش مجرد وطن
ياعيله ولمه وسكن
تعالي يانن العين ياسودان هنا جنبي
قومي يامكه وحلب .. قومي ياحمص وعدن
قومي بلاد زايد قومي رياض الخير
بأحبابها مصر تعود .. مش عايزه منكوا وعود
أنا مش مجرد وطن
أنا ليكوا أهل وسكن
يادوحه والبحرين ياسلطنة عمان
قوموا ياعرب الشام ويا ولاد عمان
قومي ياصنعا اليمن ..
أنا مش مجرد وطن
أنا ليكو أهل وسكن
ياتونس الخضرا يامولعه الثورا
ياجزاير الأمرا
يامغرب الإحساس
ياسوسه يامكناس
هبوا عشان مصركم
دأنا مش مجرد وطن
أنا ليكوا أهل وسكن
تعالوا فـ حضن النار
وحطموا الأسوار .. إحموني من غضبي
إحموني من ولدي .. إللي خطفني وطار
واللي بنا الأسوار .. وولع في قلبي النار
واللي قعد محتار وإللي مالهوش خيار
أنا مش مجرد وطن
أنا ليكوا أهل وسكن
أنا نيلكوا وجنتكوا
أنا بيتي جوار بيتكوا
نسيتوني ليه اليوم دنا عمري مانسيتكوا
أنا مش مجرد وطن
أنا ليكوا أهل وسكن
ياخساره يامحمد بعتني ليه برخيص
وطفيت ليه شمعي
ياخساره يالمعي رخص عليك دمعي
ياهلال وياصليب كفياكم بقى تخريب
دنا عمري سيعاكم وكفايه ياولاد عيب
طول عمري ليكوا السكن
أنا مش مجرد وطن
أنا عيله ولمه وسكن
طول عمري شيلاكوا في القلب قبل العين
قولولي لو اسيبكم هتروحوا واروح أنا فين
أنا فيكوا قلب الوطن .. حمياكوا طول الزمن
أما انتو ياولادي ملعون أبو قلوبكم
قاسيه كما الأحجار شعللتوا فيكوا النار
ملعونه أحزابكم
ملعون أبو الوطني ملعون أبوالوفدي على الناصري ..
أنا لا مسيحي ولا مسلم ، أنا لاوطني ولا وفدي ولا ناصري
ونادي وقول بأعلى الصوت أنا مصري
ملعونه يابني سياساتكم .. ولعتوا فيّ النار
يافروع بقيت أشجار .. كان أملي هتضلل
ولعتوا بيكو ديار .. وحسني بيهبل
والعادلي أهو ولى .. وعساكره بتهرول
وعز أهو اتسلل .. وطنطاوي بيعلل
أنا مش مجرد وطن
أنا عيله ولمه وسكن
يللا في ميت داهيه .. عمري ماكنت عقيم
طول عمري ولاده .. ياما انكسرت وقمت
ويايا رب رحيم.. طول عمري وداده
لهمومكوا شياله .. وقسوتكوا حماله
مشاكلكوا حلاله
مانش مجرد وطن
أنا عيله ولمه وسكن
بكره هجيب غيركوا أرويهم أنا بنيلي
واتعب واربيهم يتشعبطوا فـ ديلي
وينادوا يامايه ويضووا قناديلي
يحموني واحميهم واسعد لياليهم ..
أنا مش مجرد وطن
أنا عيله ولمه وسكن
ولما يشدوا الحيل
ويبقوا شباب قوه .. ورجوله وفتوه
يخلوا نهاري ليل واشوف بيهم سواد الويل
ويحرقوا مباني .. ويهربوا الجاني
وبناتي بتعاني .. والدنيا سمعاني
ودا ليه ياولادي
يقولولي داعشاني
أنامش مجرد وطن
أنا عيله ولمه وسكن
أنا مصركوا أبيه
شايلاكو في عنيه .. بحلم بأغنيه
لكل ربوع الوطن .. سلام وحنيه
أنا مش مجرد وطن
أنا عيله ولمه وسكن
طارق شهاب الدين
30/01/2011م

مرمريوسف · 19 / 02 / 2012, 50 : 09 PM

كلمات جميلة جدا كتبت بإحساس عالِ

ياريت كل العرب يحسوا ان مصر أم الدنيا لها فضل عليهم والآن عليهم ان يردوا الجميل لكن هى فى وادى وهم فى وادى

حفظك الله يامصر هو خير حافظاً .

فاطمة البشر · 20 / 02 / 2012, 17 : 01 AM

والله يا سيدي مصر في العين والقلب
ونحميها بصدورنا وأرواحنا ،
ولا أحد ينكر أن مصر هي الوطن والأم وكل شيء
وبدونها الكل لا شيء ...
دامت مصر حرة عربية أبية .....
أبدعت "أ. طارق شهاب الدين "
دمت بسعادة وهناء
ودي ووردي

طارق شهاب الدين · 20 / 02 / 2012, 01 : 03 AM

الاختان الفاضلتان مرمر وفاطمة
طاب مساؤكم وصباحكم دمتم بكلماتكما الرقيقة
دعما لكل المنتدى المبتدئ والخبير
بارك الله فيكما وفي المنتدى الرائع بإدارته وأعضاءه

فتيحة الدرابي · 20 / 02 / 2012, 08 : 03 PM

الله يا أستاذ طارق صرختك هته مدوية وصادقة، ليت الآذان تسمعك، ليت الظمائر تستفيق وتجيبك ليت وليت وليت.........
كلنا نعرف أن مصر أم الدنيا، كلنا قلبونا معها ، كلنا ندعوا من الله أن يجعل لها مخرجا ولباقي الدول العربية ، تحياتي القلبة أخي طارق ومزيدا من الإبداع الرائع.

طارق شهاب الدين · 20 / 02 / 2012, 16 : 03 PM

بارك الله فيك أختي فتيحة
مايحدث في مصر يبكي القلوب قبل العيون
كتبتها وأنا بعيد عن الوطن
وكأني في قلب الحديث ......... شعور قاسي ومرهق
أن تشعري بضياع الوطن
رعاك الله أختى ورعا كل الأوطان لمواطنيها

الحنفي محمد · 24 / 02 / 2012, 40 : 07 PM

بارك الله فيك

طارق شهاب الدين · 25 / 02 / 2012, 04 : 12 AM

شكرا لجميل مرورك أخي الحنفي محمد
أسعدني مرورك وقراءة الموضوع