[عبداللطيف أحمد فؤاد]

فلاح أنا :
======
مِن الفجر للعشِا فى الغيطان
بشتغل أكتر من أهل اليابان
و بنتج كشركات الأمريكان
بس شةف ايه حصل من قرون

بشتغل بلقمتى و اشرب دمعتى
وبزرع المحاصيل كأرقى فنان
ايشى رز و ايشى قطن و ايشى كتان
2
و لا عُمر حد قالى مالك و ليه تعبان
ده أنا صانع الخير مِن أيام الرومان

يا أهل التاريخ هو أنا مش مصري؟
هو عشان لا تظاهرت و لا اعتصمت
و غرقان فى الطين من قبل السنين
ماحدش يسأل عنى وعن أرضي
3
عندى المرسيدس بتاكل برسيم
و لا خدت يوم بميلم دعم بنزين
والكرّوا شغال من غير تليين
عندى نعجة دولية و فرخة محلية
بيسندوا ضد الأسعار الجهنمية
4
مفيش مرتب آخر الشهر مفيش علاوة
نفسي أكل فى حياتي جرام حلاوة
بحلم بجرامين لحمة منذ ميلادي
أصل بينى و بين اللحمة عداوة
5

البرنجان فى بطنى بجمعه و ببيع
و البامية و الملوخية فى الفجرية
من غبيط جحشتي للسفائن الفنية
السمسم حلم السنين مع البصل الأمل
6
وكردون المبانى كل ميت سنة لما ييجى
آه لو أنا صافينار وللا ابن محمود المليجي
كانوا بنى قصور دهب و جابوا لى المفاتيح
انما الفلاح قاعد يتوجع في عشش صفيح

7
قاعد فى معدة لهيب شمس الصيف
و قلب الشتا و مزاجات الخريف
و بشوف الملايين هدايا للرقاصين
رايحة بتتمختر تملى محيطات بتكييف
ومِن كتر جري ورا رغيف العيش
8
زهق منى وطار ورايا بنبوت ثقيف
يا حكومة بلدى أنا الورد البلدى الشريف
و مش بخون زى الطبيعة الخضرا
و عيونى زرقا واسعة زى بنات كييف
عبداللطيف أحمد فؤاد