[ناهد شما]

أربع بنات قتلى في الجامعةالأردنية بعمان

ما بعرف إذا حدا منكم عنده علم بالقصة يلي صارت بالجامعةالأردنية ، بس رح أحكيلكم عن هالحدث المأساوي يلي صار بسكن الطلاب بالجامعة الأردنية بعمان ،والذي تم التكتم على أحداثه من قبل وسائل الإعلام ، ليش ؟؟؟؟ الله أعلم بدأت أحداث القصة في غرفة أحد الطلاب الشباب في الجامعة الأردنية ،وكعادتهم كل مساء يجتمع هو ورفاقه لتبدأ السهرة ،ويعني سهرات هالشباب مابتختلف عن السهرات الأعتيادية ، هاد بيدخن ،وهاد بياكل بزر ، وهاد بيسمع المسجل ،وهاد بيحكي مع حبيبته عالموبايل،المهم وبنص السهرة والشباب بيلعبوا شدة وحوالي الساعة الثانية ليلاً ومن كلمة لكلمة بين الشباب اللي بيلعبو شدة وهاد بيقول أنت خسران والثاني بيقول لا أنتخسران راح واحد من الشباب وأخذ ورق الشدة ورمى به على المنور تبعالبناء ، عصب واحد من الشباب وتمشكل هووالشب اللي رمى الورق ووقعت مشكلة طويلة عريضة ،شعر أمن وحرس الجامعة بوجود مشكلة ، وعلى الفور طلعو عالغرفة اللي بتصير فيها المشكلة وطلبوالهويات الجامعية وقعدو مشان يفهموا القصة وليش في مشكلة ومن سياق الحديثواحد من الشباب بيقول للضابط : سيدي الله وكيلك بسيطة ، المشكلة كلها عشان لعبةشدة ،قال الضابط: وين الشدة قال الشب: رميتها عالمنورالضابط حكى: هلأ بنشوف ، وبيطلب الضابط من العناصر اللي معه أنه ينزلوا عالمنورويتأكدو من القصة ، بينزلو العناصر عالمنور ، وأول ما بيوصلوعالمنور بيقفوا مذهولين من هول المشهد ...... مشهد تقشعر منه الأبدان جريمة لا تغتفر ... أربع بنات قتلى !!!؟؟؟

أربع بنات يبدو أنهم قتلوا جراء السقوط من مكان عالي
بنت الكبة
وبنت الديناري

وبنت البستوني
وبنت السنك

هههههههههههههههههههههههههههه

[ميساء البشيتي]

ههههههههههههههههههههه

منيح ما سمعوك الطفايلة يا ناهد

عارفة انت انه لولا ستر الله كان أجلوا رمضان لهذه السنة

قال شو عجينة القطايف مش جاهزة

ههههههههههههههههههههه

رعبتني يا ناهد نشفت دمي وانا ماشية معك على كل حرف

ابدا ما تخيلتها مزحة

لكن معلش يا ناهد حلوووووووووووووووة

[سلوى حماد]

الله يسعدك يا ناهد ، والله عم باكتب وانا باضحك من قلبي بس بعد شووووو

قلبي وقع لما قرأت العنوان المرعب

ادام الله عليك روح الدعابة هذه ، نحن بحاجة للضحكة الحقيقية حتى تخفف ما علق في ايامنا من مشاهد مأساوية في كل مكان

كل الود،

سلوى حماد

[ناهد شما]

الاستاذة ميساء \ حفظك الله آآآآآآآآآآآآآآآآآآآمين

لندخل مباشرة بالموضوع : ما دامت حلوة مني خلاص يعني سسسسسسسسسسسماح
لكن عليك الإنتباه من الموضوع الثاني وهو القطايف ورمضان برضه مش حلوة فقط وإنما عسسسسسسسسسسسل

اشكرك يا الغالية

[ناهد شما]

الأستاذة الرائعة سلوى \ حفظك الله آمين

مرورك على صفحتي دافع كبير لي لأن أقدم دائماً ما ينال إعجابكم وإن كان هناك من تألق فهو تواجدك وتواصلك
وفعلاً كما تفضلتي نحن بحاجة كبيرة لنضحك أو نبتسم قليلاً , ولكن الشعب العربي برمته وهو يضحك بداخله شيء يبكي , كيف لا ونحن نرى معاناة الشعب العراقي والفلسطيني وحصار أهل غزة
لا فضَّ فوكِ
ها أنا أشاهد أو أتخيل جميع الأخوات والأخوان في المنتدى فأرجو منهم أن يبتسموا ويضحكوا قليلا
أبعد الله عن الجميع الهم والحزن

دمت وأدام الله قلمك

[كنان سقيرق]

لاحول ولاقوة إلا بالله عنجد شي بزعل إذا البنات ماتوا ياترى شو صار بختيار الكوبة ...ياحرام أكيد بتكون انكسرت عكازته وانقرفت رقبته...يلا معلش مو مشكلة هيك احسن لأن أكتر المشاكل يلي بتصير بالشدة من تحت راس تحميل ختيار الكوبة بلعبة التريكس...وعلى سيرة البنات أنا كل ماكون عم ألعب شدة مع رفقاتي بطلعوا البنات الأربعة معي ....قصة حلوة كتير ومشوقة لأبعد الحدود ذكرتني أنا وعم أقرأها بقصص مخيفة ومضحكة يلي نشرتها أول ماسجلت بنور الأدب بمنتدى القصة القصيرة..شكراً أستاذة ناهد على الطرفة الحلوة ...مودتي وتقديري

[ناهد شما]

يا غالي ويا أحلى كنان

لاحول ولاقوة إلا بالله عنجد شي بزعل إذا البنات ماتوا ياترى شو صار بختيار الكوبة ...ياحرام أكيد بتكون انكسرت عكازته وانقرفت رقبته
متل ما قلت بالضبط انكسرت عكازته وانقرفت رقبته .... إن شاء الله تنقرف إسرائيل من الوجووووووووووووووود

سعدت بمروك

ابقى بالجوار لقد اشتاق لك المنتدى ولخواطرك كما اشتقنا نحن لك ولخواطرك

دمت بخير

[طارق الوهباني]

الله يسامحك يا اخت ناهد هيك خليتي زوجتي تضحك علي
بتناديني بقلها لحظه بس اقرا هذه القصه لا حول ولا قوة الا بالله بتسالني ليش شو الحكايه
هات خليني اشوف
انا قمت على صوت الولد وما كملتها رجعت بتقلي تسالش الشباب ذبحوا البنات ورموهم من الشباك
وانا غشيم بقول لا حول ولا قوة الا بالله وين صرنا
فصارت تضحك
الله يديم علينا الضحكه مزحه لطيفه