[عبد الغني الراقي]

يا الْجافيني طال جْفـاك
فايْن الصّْفا وهْبُوب وْفاك
مُسْتحيل تغدر وتْخـون
و تنْسى العشّْ اللِّي دفَّاك
-----
كنتي لي وافي لعْبـــار
صافي مْرايا من بْــلاَّر
كنتي قنديلي ف الـدار
وْياقْنِيديلي آش طْفـاك
مُستحيل تغدر وتخـون
وتْنْسى العشّْ اللِّي دْفَّاك
----
لجفا تْوغّل ف مْدُونـي
وْ حْرق الواحة ف عْيوني
وتاهت امْواجو بْسْفُوني
و يا غِيَّاثي آش خْفـاك
مستحيل تـهجر وتخـون
وتنسى العش اللي دْفَّاك
-----
آجي بالطّبْع اللِّي فيــك
تْرْسا سْفوني ف مْراسيـك
ونشوف مْدُوني في عِينيك
و يتْلوّْن ليلي بْصْفــاك
مُستحيل تـهجر وتخــون
وتنسى العش اللِّي دفَّـاك
*****

[نصيرة تختوخ]

[align=center][table1="width:95%;"][cell="filter:;"][align=center]أستاذ عبد الغني يالك من زجال متمكن تغزل من كلماتك حلو القصيد .
سعدت مجددا بالقراءة لك.[/align][/cell][/table1][/align]

[رشيد الميموني]

مُستحيل تـهجر وتخــون
وتنسى العش اللِّي دفَّـاك

الشاعر الراقي عبد الغني ..
إنها أبيات راقية تستوحي ألقها من اسمك .
زجل بهي زادت من سحره تلك اللازمة الرائعة .
دمت متألقا .. في انتظار المزيد .
محبتي .

[دينا الطويل]

جميلة أبياتك الشاعرية المعبرة...
قلمك ينساب عذوبة حزينة بلون الشفق
دمت بود

[ناجية عامر]

أخويا الزجال المبدع عبد الغني

هاد الحال عليا و عليك ما يخفا
الهارب من الدفا
اما زيغا، اما نشبا
الله يستر العيب و خلاص

تحيتي و تقديري