[علاء زايد فارس]

طرب بنكهة السيليكون!
بقلم علاء زايد فارس

[align=justify]
باء، حاء، باء ،كاف
بحبك
ألف، نون، ألف،
أنا
بحبك أنا....بحبك أنا......بحبك أناااااا

- لك شو هاد إلي عم تسمعوا يا حمودة ؟؟!
- هي رائعة الفنانة "فرفورة!" يا خالي!
- لك شو فرفورة هي؟؟
دخيلك كل الغنية من أولها لآخرها ثمان حروف وعم تكرر فيهم!

- لا تقول هيك خالو
هي رائعة الشاعر الكبير مرهف الحس!
- شاعر وكبير ومرهف الحس؟؟؟!
إذا كان حسو مرهف ومش قادر يكتب إلا ثمان حروف زهقتهم وإنتا عم تعيد وتزيد فيهم ليل نهار، هدا كيف لو كان حسو معدوم كان كتبلنا شي شيفرة حسابية وقال عنها غنية!

- له يا خالو له
نكدت عليي وأنت عم تسخر من الطرب الأصيل!
طب شو كان بزمنكم طرب غير الأغاني المملة والكئيبة؟؟!

- لك شو بتعرف أنت وجيلك عن الطرب الأصيل؟؟!
لك يا خالو بزمنا كانت الغنية غنية...
كانت تعبر عن وجع الناس وعن أحلامهم الكبيرة!
يا سلااام عأيام زمان وأغاني زمان يا خالو

- طب احكيلي شي مثال يا خالو، شوقتني لأعرف كيف كانت أغانيكم!
- بِتْذَكَّرْ لما كان العالم العربي بتعرض للعدوان
وأمريكا احتلت العراق وأفغانستان
وإسرائيل دمرت غزة ولبنان
والعرب صاروا يقتلوا بعضهم البعض
الدم كان للركب! كان للركب!
طلعت الغنية يا خالو من قلب الوجع
وأبكت الملايييييين!

- ول الملاييييييين!
شو هي يا خالو؟؟

- هي رائعة الفنانة الكبيرة هيفا وهبي "بوس الواوا"

- وشو بتقول الغنية يا خالو؟؟ شوقتني
- بتقول:
ليك الواوا
بوس الواوا
خلي الواوا يصح!
لما بست الواوا
شلته
صار الواوا بح!

- كلمات رائعة وجميلة
يا سلام يا خالو، لهي الدرجة كانت الواوا منتشرة بأيامكم؟؟!

- أي صدقني يا خالو
وهالفنانة ما سكتت بنوب بنوووب
أفنت عمرها وزهرة شبابها وهي عم تنصر العروبة
الأعداء يزرعوا الواوا
وهي عم تبوسها....
لما صار معها ترهل بالشفايف!

- ول ترهل مرة واحدة؟؟!

- ضحت بشفايفها لك خالو
وعملولها عملية عبوهن سيلكون لخاطر عيون هالأمة العربية تعيش بحرية وكرامة!
ولولاها
لولاها
- قول والله زهقتني
- معلش علق السي دي!
ولولاها ...
ما كانت هالفرفورة إلي عم تسمعلها بتغني بأمن وأمان!
ومرهف البس هدا بكتب شعر

- مرهف الحِسْ
- مرهف الحِسْ، الخَسْ مانو مهم ولاك خالو!

- طب خالو شوقتني أعرف كمان عن أغاني زمان..

- يا خالو شو بدي أحكيلك تااحكيلك
سمعت بالفنانة العظيمة روبي...!
- لا ما سمعت!
- يا جاهل يا عديم الثقافة مضيع وقتك وانتا عم تسمع لفرفورة خانو وما بتعرف شي عن الطرب الأصيل!
- يا خالوا دخيلك احكيلي عن هالروبي شوقتني ....

- هي أول مطربة عربية بتغني وهي عم تلعب رياضة!
صارت قدوة لكل الشباب والمراهقين...
وكتير شباب كان مضيع وقته عالكتب العلمية والكلام الفاضي صار شعارو
" العقل السليم في الرقص السليم!"

- ول لهي الدرجة؟؟!
- ايه والله يا خالو واكتر كمان...
ولك روبي هي، هي أول من قالت لا بالعالم العربي!
الي كان يقول لا بزمنا كانوا يقطعولوا لسانه

- وهي قالت لا؟؟
- إيه يا حمودة قالت لا...
ما سمعت غنيتها...
" كل ما أقولوا آه يقولي هو لا، يجرحني وأقولو آه ، يقولي هو لا، لا لا لا"
- بس يا خالو هو الي عم يقول "لا" مش هيي
- يعدمني ياك شو غبي!
مش هوّا وهيّي بيحبوا بعض؟؟!
- إيه!
- يبقى ما فرقت ، هوّا وهيِّ واحد!
- آه ...اممم...معك حق ما فرقت...
- حبيبي حموده
ولك هي روبي افتخرت ذات يوم قدام وسائل الإعلام إن جسمها طبيعي 100%!
- شو يعني طبيعي 100%
- يعني خالي من السيليكون!
هي قدوة يا خالو
قدوة!
وإذا سمعت بالكاتبة الكبيرة "أحلام مستغانمي" الي كانت عأيامنا، تساءلت مرة بمقالها" من الأهم مؤخرة روبي أم مقدمة ابن خلدون؟؟" بيقارنوها بابن خلدون يا خالو، بزمنكم هد فرافيرو وأخواتها كلهن سيليكون بسيليكون!
- كيف عرفتها هي يا خالو...
- شو الي عرفتو؟؟
- هي الغنية الجديدة للمطربة نوجة "سيليكون سيليكون"!
- وشو بتقول هي الغنية؟ ، بس وينك؟؟
لا تقول لحدا إني سألتك...!
- المطربة كانت كئيبة بالكليب..
- كئيبة؟؟!!!
- ما تقلق خالي كانت كئيبة وهي عم ترقص
- ما دامها بترقص يبقى احنا بالسليم..قول ولاك قول
- وبالكليب صورتها وهي بالعمليات وهي بتغني لحبيبها:
عشانك صرت مخلوق تاني
صرت كلي سيلكون يا حبيبي
طلعت من هون
لقيتك بتخون!
قلبك صار سيليكون يا حبيبي!

- ولك وين بيبثوا هالغنية؟؟؟
- على ميلودي سيليكون!
مش حتقدر تغمض عينيك :-)

- وشو ترددها؟؟
-2345 أفقي ...1512 عمودي
- لك حبيبو لخالك أنت
اسمع لنوجة يا خالو هي سفيرة الطرب الأصيل بالعالم العربي
واترك هالفرفورة الي عم تنوص متل جاجة ورطانه وهي عم بتبيض!
[/align]



م.علاء زايد فارس
18/3/2012م
أهديكم أغنية فلة " أهل المغنى!"
http://www.youtube.com/watch?v=OX8EyZxmmsE

[آمنة محمود]

ربي يسعدك علاء
صباحك فرح مو سيلكون

كل حياتنا صارت سيلكون ومسكنات من الأوجااع

حتى السيلكون ما عاد يجيب فيها ولا يداويهاا

ساق الله على هديك الأيام !!!

أيام جدي وجدك بالبلاد وعلى الكوفية على ولولح فيها
وغني عتابا وميجانا وسامر فيهااا

كتبت على الجرح خيو علاء وأصبت الحقيقة

بوركت وبورك قلمك وأفكارك الرائعة
نحيااتي وورودي

[فاطمة البشر]

ومالو السيليكون ، مهو هو الي هز العالم العربي ،
و هو الشي الوحيد الي بيجمع الكل تحت رايه وحده !!
بعدين من ورا السيليكون بنجمع تبرعات للجمعيات الخيرية !!
و يمكن بعد فترة رح يصير تقدم الدول ينقاس بكمية السيليكون المستخدمة سنويا !!
طرح جميل و مميز
دمت متألقا "أ. علاء فارس "
ودي ووردي

[ميساء البشيتي]

والله يا علاء يا ابني متابع أكثر من حمودة ...
هههههههههههههههههه
حرااام تقطع الكهرباء يا علاء وتحرمنا من هذا الجمال
استمتعت جدا يا ابني بهذا النص الساخر
ولكن إنت شو بيعرفك بهادول ؟
هههههههههههه
أجب يا علاء ؟
علقت ما .. مو مهم .. المهم أنه قصدك مخاطر السيلكون
هههههههههههههه
موفق يا ابني وحضر النص اللي بعده
رائع

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة آمنة محمود ربي يسعدك علاء صباحك فرح مو سيلكون

ويسعدك انت كمان أختي آمنة
صباحك ومسائك وكل أيامك فرح وسعادة

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة آمنة محمود ساق الله على هديك الأيام !!! أيام جدي وجدك بالبلاد وعلى الكوفية على ولولح فيها وغني عتابا وميجانا وسامر فيهااا كتبت على الجرح خيو علاء وأصبت الحقيقة بوركت وبورك قلمك وأفكارك الرائعة نحيااتي وورودي

لا أعرف ماذا سيحدث في المستقبل
لكن في الحقيقة نادر جدا ما نجد أي عمل فني حاليا سواء طرب و فيلم أو غير ذلك مما يرتقي بالذوق ويحترم عقول ومشاعر الناس
اصبح الهم الأول هو الترويج حتى باستخدام أقذر الأساليب
نحن نعول على الجيل الجديد ونتمنى أن ينتبه لنفسه من فرافيرو وأخواتها
شكراً لك أختي آمنة
يسعدني دوماً مروك الرائع

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة فاطمة البشر و يمكن بعد فترة رح يصير تقدم الدول ينقاس بكمية السيليكون المستخدمة سنويا !! طرح جميل و مميز دمت متألقا "أ. علاء فارس " ودي ووردي

:-)
أختي فاطمة مع الأسف لقد تعودنا على أخذ أسوء ما يوجد لدى الغرب وأعطيناهم أفضل ما لدينا!
وياليتنا على الأقل أخذنا الجيد والسيء معاً
لحضورك دوما بريق رائع يضيء المكان
تحياتي لك يا بنت بلادي
ودمت دائماً مبدعة ورائعة

[علاء زايد فارس]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي والله يا علاء يا ابني متابع أكثر من حمودة ... هههههههههههههههههه

[align=justify]
أنا بريييييييييييييييء
برييييييء
بريء
مزاجي بالطرب عالي جدا منذ صغري، حتى أن البعض كان يسخر من ذلك
وللعلم أنا ماليش في أغاني الهشك بشك...شوفوا شوفوا حتى مافيني أرقص متل العالم، يمكن أحول فرحي كله سلو بسبب هي المشكلة هههه، شوفوا هالوضع الصعب


ويهمني جدا أن تكون الكلمات رائعة واللحن جميل حتى استمع للموسيقى
خالتي كانت تقول علاء ولد وكأنه في الجامعة هههه، والبعض كان يناديني يا شيخ علاء :-)
أين ذهبت فترة المراهقة يا جماعة؟؟
لا أعرف بصراحة أنا أحب الكتب



والكمبيوتر


مرة استمعت لموسيقى رائعة وقلت سأستخدمها في فرحي مستقبلاً
فقالوا لي إذاً ستجلس في الفرح لوحدك !


أنا أعاني من هذه القضية يا ميساء
سأصاب بصدمة كبيرة لو استمعت في فرحي
( النهاردة فرحي يا جدعان ، عاوز كلو يبقى تماما، حتجوز حتجوز ...)
ولا شو اسمها هي الغنية " نسونجي " ، الي مفروض تكون سبب في حردة العروسة!
ههه
ولا أعلم كيف تسمح العروسة للعريس أن يرقص مع رفاقه على هذه الأغنية؟؟!


والله أشعر بالخجل حينما اسمع لأغنية من هذا النوع....ومتل " حجري عليه ...." وما بدي أكملها ...


وبشكل عام عنا في البيت لا نشاهد لا ميلودي سيليكون، ولا مزيكا فافي ، ولا غيرو، لا أنا ولا أخوتي ولله الحمد، بل ذات يوم كنت سأنشر مقال عالفيسبوك ضد قناة ميلودي سيليكون لأنها تنشر أشياء مخجلة تسيء للذوق العام وتخدش الحياء!


بالطبع ما أهواه من الطرب القديم والجديد أستمع إليه على الانترنت أو التلفاز إن وجد
[/align]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي حرااام تقطع الكهرباء يا علاء وتحرمنا من هذا الجمال

توسطولي عند شركة الكهرباء لتغير البرنامج من أجلي ههه
شكراً لك أيتها الرائعة
ويسعدني أن الموضوع أعجبك

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ميساء البشيتي ولكن إنت شو بيعرفك بهادول ؟ هههههههههههه أجب يا علاء ؟ علقت ما .. مو مهم .. المهم أنه قصدك مخاطر السيلكون هههههههههههههه موفق يا ابني وحضر النص اللي بعده رائع

[align=justify]
سؤال صعب ، سؤال صعب يؤرقني

بس كنت متوقع هذا السؤال من أختي حياة شهد أو أخي فهيم رياض، لذلك حضرت الإجابة مسبقاً ههههه



صحيح شو أخبارك أيتها الرائعة ؟؟
زمان ما شفت الأستاذة نصيرة طمنيني عنها...

( حيلة مكشوفة ، دور على حيلة تانية )

أستاذ فهيم الأخت ميساء تسألك، أين اختفيت يا رجل.. يا جماعة حدا يراسل الأستاذ فهيم، ما بيصح نطرح موضوع ونترك الناس تسأل ونهرب!


طيب في حذف إجاباتين أو الاستعانة بصديق ، حتصل على أمي وافتح السبيكر!
طب ممكن نغير السؤال؟؟
ههه



الحين بالله أنا وين عايش، مش عايش على كوكب الأرض
إذا كان خطيب الجمعة الي بحكيلنا درس ديني عارف كل البلاوي الي بتجي عالفضائيات
غريبة اني أعرف هالشغلات هدي؟؟
هههه
إذا أحلام مستغانمي عرفت بقصة روبي
وموقع العربية نت ودنيا الوطن وغيرو بنشر هي الأخبار غريبة اني أعرف؟؟؟

طب بلاش ، صورة الكاريكاتير الي فوق ولا الأفراح الي بنروحها اللي معظمها هشك بشك، حجري عليه والواوا وأخواتها !

يسعدني أن الموضوع أعجبك أيتها الرائعة
بصراحة سعدت جدا لأني رأيت ضحكتك زينت هذا المكان وكنت سبباً في ذلك
أتمنى أن أكون عند حسن الظن
وأقدم لكم كل جديد ومفيد في قالب فكاهي في ساحة الساخر
وإلى اللقاء في الحلقة القادمة :-)
تحياتي لك
[/align]

[جمال سبع]

أخي الصغير علاء .. لن أقول مثل الأخت ميساء يا ابني لأنها أكبر مني بسنوات .
موضوع فيه من الإسقاط الساخر ما يعري الوضع الكارثي الذي تعانيه الأذواق ، المشكلة أن مثل هذه السخافات تظهر عليك من غير أن تطلبها ، فمثلا تكون تتابع في حصة مهمة حتى تجد الإعلان الأول لأغنية ( رجب حــــــوش صحبك عني ) في أول صفحة إعلانية ، أنا عن نفسي أقول آه و آه و ألف آه على هذا الإبداع الخارق .
سعدت كثيرا لمروري بمواضيعك الساخرة دائما.
تحياتي و تقديري .

[حياة شهد]

يا علاء حرام ... أن تقول ذلك ..
في عزّ الأزمات العربية .. و الثورات و النكبات ..
في عزّ التفجيرات .. و الموت ..
كان هناك ترفيه و غناء و رقص من ذلك الذي يلهي قليلا ..
لا تحرم العرب من هكذا فن .. الخيط الوحيد الذي بقي سليما لحدّ الساعة هو هذا ..
كما أن السيليكون عظيم جدا ( أفكّر في تجربته شخصيا ) .. فقط أحتاج لبعض الاستشارات ..
فهل تفيدني .. فالواضح أنك تعرف كل شيء و تكابر .. هههههه
طرح راقي و جريء ( توقّع مهاجمة شديدة من أصحاب البطون الممتلئة باعتبارهم الداعم الأول لهكذا فن ) .. و لا تدخلني في الموضوع ..
شكرا علاء .. أنت دوما في مستوى الاحداث ..
تحياتي ..

[نصيرة تختوخ]

[align=center][table1="width:95%;"][cell="filter:;"][align=center]أتعرف ياأستاذ علاء أنني ذات مرة شهدت تقريرا في البي بي سي الإنجليزية عن الكليبات العربية وفي النهاية تهكمت المذيعة على رد إحدى المطربات على أن الكليبات الغربية أيضا فيها جرأة متسائلة إن كانت ثقافة الشارعين نفسها أو شيئا من هذا القبيل.
و مع ذلك فلازال هناك مطربون جيدون أصواتا وأداء فكما قال شعبان عبد الرحيم 'طول عمري واد حنين وماعرفش المنظرة...ولو على المحبة أفتح لك معصرة '
)ابتسامة) بجد لازالت هناك أصوات جيدة وألحان مميزة.
تحياتي[/align][/cell][/table1][/align]