[محمد جادالله محمد]

اغنيات مصريه

يا مصر يا متغندرة
يا ام الجدايل سود
النيل لك مسكرة
والاهرمات نهود
والوجه قمره منوره
على احلى واجمل عود
امتى يا ست الصبايا
توفى بالموعود
يصفى معاكى هوايا
واحضن فى الجناين عود
انول رضاكى ومنايا
ابوس فى جمر الخدود
يا شهد بلدى يا حلوة
والحلاوة فيكى عنقود
لاتخلص ابدا حلوتك
ولا جمالك له حدود
يا مصر يا حبيبتى
يا ام العيون عسليه
لو تعرفى يا حبيبتى
حبك عمل ايه فيا
خلى الليالى شفتشى
حرير من الغالى
والقلب بات منتشى
يغنى لكى موالى
امتى يا ست الحبايب
فى الفرح نتقابل
انت تملى شروطك
وانا لشروطك قابل
يا ست الصبايا
يا حلوة الحلوات
ورد الجناين خدك
والشفايف بلح امهات
وشعرك بطول الليل
وجبيتك كشمس الصيف
وعيونك كنهر النيل
ورموشك كحد السيف
اسهر اناجى فى حبك
واغزل لك غنيات
اخطب بها ودك
واجبها لحد عندك
امتى تقولى هات
ادلل يا جميله لحسنك
امتى اكون بقربك
ولو اشتغل شحات
ح احبك غصب عنك
سواء ترضى
او ما ترضيش
ما فيش حد غيرك
كله خلاص بح مافيش
ما اقدرش استغنى عنك
وانا فيك يا مصر باعيش
ح احبك غصب عنك
سواء ترضى
او ما ترضيش
تشرقى او تغربى
تبعدى عنى او تهربى
وتزعلى منى اوتغضبى
ح اجيبك تانى لمذهبى
فانت حبى وماربى
ومش ح اسيبك لاجنبى
تبحرى ولا تقبلى
تزمرى ولا تطبلى
عينيك علي وسبلى
لازم من قلبى تحبلى
وتحيبى البنت عيشه
وتجيبى الولد عليش
نعجن ونخبز فيك
بالحب يا بلدى العيش
كلماتى وبقلمى
محمد جادالله محمد الفحل

[فتيحة الدرابي]

قصيدة جميلة جدا استمتعت بها، لكن عندي ملاحظة : عوض أن تقول يا مصر أرى أن تقول" يا حبيبتي "وتترك القصيدة غامضة ، وفي نهاية القصيدة تقول مصر حتى يكون في قصيدتك تشويقا، وسيزيدها جمالا ، وهذه الملاحظة لن تنقص من جمالية قصيدتك ومن موهبتك التي أشجعك على الحفر والتنقيب حتى تصل إلى مبتغاك.أحيي فيك روح الوطنية. المبدع محمد جاد الله محمد.

[محمد جادالله محمد]

الاستاذة ........فتيحة الدرابى ...
.........................................ااسف واعتزر سيدتى على التاخير ...
فاسمك كان تاجا ولازال على متصفحى..
اشكرك كل الشكر على تشريفى بمرورك الكريم....وكل التقدير والاحترام لحضرتك