[المصطفى حرموش]

بحال ديما
حاضي العيس
مطيح الصمعة بالباطل،
على رفيقي ابليس..
حارق دمي ف السروية،
بشاي سومو رخيص..
يشربني،بزز مني،
بلية وقريس..
نردمو،
ف الجوف،
بعجينة الميما..

بحال ديما
مكسي باللغط،
مخيط،سلك أعدي بالسورجي..
كيف نشوفني،ف المرايا،
يبقى في راسي..
قرع،أشاك ف المشط..
راهن ساروت ف حوايجي،
لوانهم كاشفة،
ثقوب،جيوبهم حالفة،
في طنجية الزلط،
إرقدوني..

مازال بحال ديما
ساكن ف كديبة،
مسبق الميم،
مكحل بالضيم،
حاضي الوجيبة..
سارق الشوفة ..
ف شكارة المعليم،
يحليلي..العطلة قريبة...

بحال ديما
مسرج خيول الخفة،
كاسي..راعف
شدكي..تالف
كـــــــــــــوبـــل
مخاصم الزغفة..
سعدي فـــي شاكي،
فرحي فـــي باكي
لمن تحكي زابورك..
يا عويد القرفة؟؟؟
نداوي الكية،
بالصبر،،
ندير خاطري خاطرو،
والـــــــــــــــــــــــــــو
الميمون ف بير يشخر..

بقيت بحال ديما
الشوك..ف فداني نايض،
نصحح الشوفة،
ف المرقة البايتة..
لفراجة...ف..
لخبار الفايتة
نشمع السهرة،
بتحرحير البيض......

[زين العابدين إبراهيم]

سعدي فـــي شاكي،
فرحي فـــي باكي
لمن تحكي زابورك..
يا عويد القرفة؟؟؟
نداوي الكية،
بالصبر،،

شكرا لك ايها الشاعر
ولك الإحترام والتقدير

[المصطفى حرموش]

زين العابدبن إسم على مسمى،ستظل أيقونة هدا المنتدى.لك مني الف تحية وسلام....