[محمد جادالله محمد]

مجرد..سؤال..
طوى صحيفته اليومية بعد أن طالعها، ووضعها أمامه على الطاولة ،
وجال بنظره فى المقهى عدة مرات..
ثم نظر إلى صديقه الذى لم يكن فرغ بعد..من قراءة الملحق الرياضى..
مما جعله يغلقه ويضعه بجانبه ويسأل..
خير عاوز تشرب حاجة..
مش لسة شاربين شاى وقهوة
زيادة الخير خيرين..تشرب قهوة تانية؟
لا
تشرب أيه..؟
أى حاجة تشرب منها..غير الشاى والقهوة..
هات لي زيها..بس على حسابي..
ما فيش فرق..
تشرب سحلب..
ماشى..
أنت كنت عاوز تقول حاجة..
أيوة ..
كنت عاوز تقول أيه..؟
فاكر.. مارغو فالستروم..
لاعب كورة.. ده..
لاعب كورة ..أيه بس..
أمال أيه..
دى..سيدة..
عاوزة ..تتجوز..
أنت دماغك.. راحت فين..
فهمني يا عم ..وخدني على قد عقلي..
أنا شغلي فى المقاولات..وبفهم شوية في الكورة..
وبأتفرج شوية على السينما..
يعنى أى حاجة خارج الحجات دى..
أنا فيها أبيض يا ورد..
عارف..
بتشتغل أيه السيدة..مارغو..دى..
دى..وزيرة خارجية السويد..
وانت عاوزينى أعرفها إزاى..
وأنا عمرى ما اشتغلت فى وزارة الخارجية ولا فى وزارة الداخلية.
أنا مش قصدى تعرفها معرفة شخصية..
أمال قصدك أيه..
مجرد سؤال ..
نفتح به..موضوع للمناقشة..
معاي..
أيوه معاك..أنت راجل مهندس وقد الدنيا..
أيه بقى موضوعها..
من عدة شهور صرحت بعدة تصريحات..شديدة اللهجة..
بشأن المملكة العربية السعودية..
علشان أيه..فكرني بها..
لما إعترضت على جلد المدون السعودى ..رائف بدوى ..
بإعتبار الجلد ..ينتهك حقوق الإنسان..
متهمة المملكة العربية السعودية.. بأنها تستخدم أساليب القرون الوسطى
أيوه ايوه افتكرت ..تصريحات وزيرة خارجية السويد التى دافعت فيها عن حقوق الأنسان فى التعبير
محتجة على حكم المحكمة السعودية بحبس المدون وجلده..
وقد ترتب على هذه التصريحات أزمة دبلوماسية وسياسية ..
بين دول الخليج وحكومة السويد.. تم على أثرها.. سحب سفراء دول الخليج من استكهولم..
وتضامنت جامعة الدول العربية مع الموقف الذى إتخذته دول الخليج..
ومنعت وزيرة الخارجية السويدية..من إلقاء كلمتها أمامها..
أو حضورها إجتماع الجامعة بالرغم من سبق دعوتها..إلى ذلك..
على إعتبار أن تصريحاتها بشأن حقوق الإنسان وإعتراضها على جلد أحد المواطنين السعودين
يعتبر تدخلا سافرا فى الشأن الداخلى السعودى والعربى..
الأمر الذى أدى الى إضطرار الحكومة السويدية وكذا وزيرة خارجيتها إلى أن تعتذر رسميا للمملكة العربية السعودية
عن تصريحاتها..
أيوة أنت فاكر كويس..كل ما حدث..
صاحبك مقاول..زى حضرتك..ولازم ذاكرته تبقى دفترية..
وإلا يروح في أبو نكلا..
إنما ما هى مناسبة إسترجاع هذه التصريحات طالما أعتذرت عنها الحكومة والوزيرة..
جايلك فى الكلام..
من وجهة نظرك..
ما سبب اعتذار حكومة السويد ووزيرة خارجيتها عن تصريحات تتعلق بحقوق الانسان..
مصالحها الاقتصادية مع دول الخليج أهم لها مليون مرة ..من حقوق الانسان..
وانت عارف من الأصل..وسيد العارفين كمان..
أنه ما فيش في الدول العربية..حاجة تسمى بحقوق الإنسان..ولا حقوق الحيوان..
ما فيش إلا السمع والطاعة..وبالتالى مش حيفرق مع الشعوب العربية..تنتقد وزيرة الخارجية كل يوم..
تصرفات الدول العربية مع شعوبها..أو تعتذر عن إنتقاداتها..
اللى ماشى..هو نفسه ماشى..عادات وتقاليد..قديمة..من أيام العثمانيين..
أنت أخذتنا بعيد ليه..
خلاص يا عم خلينا في موضوعك القريب..
أيه هوه بقى..
أنت مش بتسمع نشرات الأخبار..وبتقرأ الصحف اليومية..
على يدك..آهى الجرايد كوم.. على الطاولة..
بس أنت عاوز تقول أيه..
غارات طائرات التحالف العربى بقيادة المملكة العربية السعودية ..
وقصفها بالصواريخ والقنابل شديدة الانفجار بصفة يومية دولة اليمن..ومدن اليمن وقراها..
وحصار الشعب اليمنى برا وبحرا وجوا..
الأمر الذى أدى الى قتل الاّلاف وجرح عشرات الاّلاف وتهجير أكثر من مليون يمنى..
من مناطق القصف إلى الجبال والريف..
وتدمير البنية التحتية والمرافق العامة..وتدمير المناطق الأثرية فى صنعاء..
ولم نسمع لهذه الوزيرة.. نصيرة حقوق الانسان.. ولا من حكومتها..
تصريحا يعترض على هذه الحرب.. التى قتلت وجرحت عشرات الاّلاف..
ودمرت أقدم قلاع الاّثار..
ودى عاوزة فكاكة... يا فكيك
يعنى أيه..
المثل المصري..بيقول أيه..( اللى تلسعه الشربة..بينفخ في الزبادى)
قصدك أيه..
يعنى لا حتسمع منها ولا من غيرها أى احتجاج أو إعتراض على هذه الحرب مهما خلفت من ماّسى ودمار
فهمنى أكثر..
إذا كان إعتراضها على جلد شاب..قطعت دول الخليج علاقتها الدبلوماسية مع دولتها..
وجامعة الدول العربية طردتها..
عاوزها تعترض على ضرب اليمن..
بالإضافة إلى..ما أشيع..بأنه..
كله قبض.. ثمن مشاركته فى الحرب.. على اليمن..
واللى ما شاركش فى الحرب.. قبض كاش مني.. ثمن سكوته..
متأكد كله قبض..
اللى ما قبضش..يخاف من أمريكا..لو اتكلم أو فتح بقه..
وما دخل أمريكا.. فى الحرب على.. اليمن..
أنت مش عارف..
دا أمريكا هى صاحبة الحرب..
ودول الخليج بتنفذ الهجمات.. بالنيابة..
أزاى الكلام ده..؟
يا عم ..دول الخليج منذ أكثر من عقدين أصبحت هى أقلام أمريكا..
التى تستخدمها فى إعادة رسم خريطة الشرق الأوسط الكبير..والصغير..
بصرف النظر.. عما تقوله.. بشأن دول الخليج..لأنه محل نظر..
فإن ما يهمنا هو أن دول العالم..
إما صمتت عن إعتداء التحالف العربى على اليمن..
إعتبارا لقرارات الأمم المتحدة..أو نتيجة قبضها لثمن السكوت..
أو سكتت رغما عنها..
هل هذا ما تقصده..
لا كله قبض..حتى اللى بيتحجج بقرارات الأمم المتحدة..
حتى روسيا..
حتى الصين..
الكل قبض مقدما..ثمن صمته..وأغلق فمه..
عن التحدث عن سيادة الدول وعدم التدخل.. فى شئونها الداخلية..
وايضا عدم الاشارة..الى ما يسمى بالشرعية..أو حقوق الانسان..
يمكن..
صدقني ده اللى حصل..
كلماتي وبقلمي..
محمد جادالله محمد الفحل

[رياض محمد سليم حلايقه]

نحن يا سيدي منذ عقود طويلة نسمع ونطيع وننفذ
ولا نفكر ونحاور ونسال
كان الله في عون الشعوب العربية
ولكم التحايا

[محمد جادالله محمد]

كان الله في عون الشعوب العربية
آمين آمين
جزيل شكري وامتناني لمرورك
أستاذنا الفاضل..رياض محمد سليم
ودي لك واحترامي