[عزة عامر]

أنا كنت بغنيلك ......
دا أنا كنت بغنيلك وف وسط الغنا بحكيلك
ع اللي تعبني لما زمانك فاتني وسابني
وبقولك ترجع تحضني
تمسك ايدي وتعلمني ،
وترجع عمري من الاول
وأنا بحبي وانت بتسندني
بتخاف من حاجة تكعبلني
وتمهد أرضك ادامي
وتزحزح شيء كان معاندني
وتخاف من عين كات تحسدني
فتشلني بسرعة تخبيني
وتنيم فيا وترقيني
وأما تقولك ماما تسبني ،
إيه هيحصلي ؟
تزعل وتصمم توصلي
وتشيلني وترفعني لفوق
واضحك من قلبي فتروق ،
فين أيامك سابت أيامي تعذبني
في حد اما بيمشي فارق
ما ترجعوش كل المفارق
ولا له شبيه من غيرو كل حياتنا تيه ،
في حد لما يغيب مكانو
يفضل في عنينا فاضي
في حد غيابو مش عادي وبدونو تعبانين
سابت علينا فرقته كلاب الوحشة السعرانين
في حد لما بيمشي بيفتكروا فضي المكان ،
ما شافوش الذكرى من دهب ف قلب بحبو مليان
في ناس جميلة وجودها فينا أحلى جنة
في ناس أصيلة نار فراقها مكتوبلنا
بكتبت ف إيه والكلام جوا وبقولو
لو خلص بحر الحروف عرضه وطولو
لو سال السحاب معاني وزاد هطولو
مش هيقدر .. أبدا يعبر .. عن ندايا
ومش هيكون رغم الهطول لايق عليه ..
في أكتر م الكلام جويا ،
تايهه وتايه حرفي فيه
ارجع بقى ، هون عليا طول غيابك
ارجع بقى ، تحرم عليا حروف عتابك
مش هقول ليه سبتني
ولا هحكي ف غيابك عذابك
ارجع يا روح الفرح ماتت ضحكتي
عاجبك تموت وايش بعدها ؟
هتموت حياتي ، وغنوتي
ما أنت عارف الحزن لما بيتولد بيعمل إيه !!
يفضل بكاه ف عنينا ، رافع حرارة قسوتو
مكتومة ومدوية فيا شدة صرختو
والجرح بره تشوفو ساكن بس جوا لسعتو
هو أنت ليه ساكت ياروحي وسايبني انادي ؟!
حسست روحي إني وحيدة ، هو أنت راضي ؟!
ساكت وأنا *بأشواقي ليك جوايا وجعاني
طب قولي سمعك مش بس أنا اللي لوحدي سمعاني
ليه بفكر كل يوم انك راجعلي ..
رغم اني عارفة مش هينفع
والرحيل المغصوبين دايما عليه
معندوش اللي يشفع..
دا حتى م الأحياء ياوالدي
ما بالك أنت والومك لإيه ؟؟!
لسه عندي جوا مني شيء حزين
لسه فيه بركان يثور أو بركانين
لسه جوايا زلازل وحكايات
لسه فيا أرض ماتت من سنين
لسه طين الأرض شاهد
إن روحي ساكنة طين
واني مسجونة بحنين
وان روحي عايشة صابرة
يتقطع حبل الوتين
يتوصل حبل اللقى
على نور روحين ..
لسه بتمنى الأماني
وبرفع للسما الدعاء
ومن ساعتها بقول آمين.

[خولة السعيد]

رحم الله والدك وجعله من أهل الجنة. .

كلمات معبرة

[عزة عامر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة خولة السعيد رحم الله والدك وجعله من أهل الجنة. . كلمات معبرة

آمين ، شكرا لك خولة مرورك أسعدني.

[سيد يوسف مرسي]

يا حبي كيف جيتي ؟
وجايه بتغني
وجايه تحكيلي
دا البعد أرقني
والعشق غلبني
وزماني راح سابني
من قسوتك عني
عشمان تضميني
من الحب ترقيني
وأرجع إلي وعي
ولا اشكي لعمي
ولا أشكي لخالي
كيف كنت نسياني ؟
والصوره في عيوني
وانسيتي تشكيلي
وانسيتي تحكيلي
أنا بدي تحكيلي
عن فرقتك عني
أمشي وأتخيل
أقعد واتخيل
كيف رحت تنسيني ؟
يا فرحتي بحبي
لما يجي يغنيلي
أو يجي يحكيلي
اتمنى من حبي
يهدي من قلبي
أنا لسه مسني
تعودي من تاني

[عزة عامر]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة سيد يوسف مرسي يا حبي كيف جيتي ؟ وجايه بتغني وجايه تحكيلي دا البعد أرقني والعشق غلبني وزماني راح سابني من قسوتك عني عشمان تضميني من الحب ترقيني وأرجع إلي وعي ولا اشكي لعمي ولا أشكي لخالي كيف كنت نسياني ؟ والصوره في عيوني وانسيتي تشكيلي وانسيتي تحكيلي أنا بدي تحكيلي عن فرقتك عني أمشي وأتخيل أقعد واتخيل كيف رحت تنسيني ؟ يا فرحتي بحبي لما يجي يغنيلي أو يجي يحكيلي اتمنى من حبي يهدي من قلبي أنا لسه مسني تعودي من تاني

شكرا لك أ/ سيد يوسف .. نص غناىي جميل جدا
تحيتي وتقديري ..