[ناهد شما]

أسئلة بتقهر وبتفور الدم

مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا ، بيجي واحد من أهلك بيفتح الباب ويقول : شو نايم ؟؟
لأ !! عم ارقص .. بس الوضع بيوحي إني نايم

معزومين ع بيت جماعة ، ولما بتدقوا الباب .. بيفتح شي فهمان وبيقول بدهشة : هه شو إجيتوا ؟؟
لا والله لساتنا عالطريق ، في عجئة بشارع بغداد

لابس أحلى أواعيك ومتعطّر وشايل مفاتيح السيارة وجزدانك وداحل لبراة البيت ، بيجي حدا من أهلك بيسألك ، شو رايحلك شي مشوار ؟؟
لا والله طالع عالأسطوح صلّح السكر

حامل سماعة التلفون وعم تبلش تدق بالأرقام ، بيجيك عنصر مفاجئة منأهلك وعلى وشه علائم الإستغراب والدهشة وبقللك : بدك تحكي بالتلفون ؟؟
لأ شو إحكي !!! بس كنت عم جرب صوت طنة الأرقام

حاطت راسك ونازل دحي بهالكتب والدراسة ، بيجي أبوك أو امك : عم تدرس ؟؟
لا والله ... !! عم غير زيت للسيارة

عم تتفتل بسوق الموبايلات بجدة ، بصادفك شخص أجدب ، حامل نوكيا N95 وعم يسأل صاحب المحل : هاظا شاشتا إملونه ؟؟
لأ حبيبي - هات من إيدك - هاد حيونة حطولو الكاميرا بعدين موديل قديم

مذيعة بيوم العيد عم تلفلف بالشوارع وتلطي على كم مواطن وتسأل وبنفس الوقت هي بتجاوب : شو بتساوي أول يوم العيد ؟ أكيد بتروح بتزور الأهل والقرايب
لا والله بالعادة بفكر العب دء طميمة وماروح لعندهم

نفس المذيعة بتشوف ولد بالشارع وبتساله ؟ حبيبي بتحب بابا وماما
لا ما بحبهم ، بحب البوسنة والهرسك

واحد فايت على جماعة وشايف الوضع بالشارع معتم والمكتوب مبين من عنوانه ، بيسأل شو مقطوعة الكهربا ؟
لأ حبيبي بس هيئتك بدك تعمى

بتطلع بميكرو وبتحط هيك وبتطلع ( خمسة ) وبتعطيها للي قدامك ، وبكل برودة بيقلك : واحد ؟
لأ .... !!!!!!!! 60 .. ورجعلي الباقي

أشّربأصبعته الكريمة لتكسي ، وفعلاً وقفلو العينتين ، بيسألو : فاضي ؟
لأ ... عندي 10 طلبيات ، بس وقفت حيونة

بدك تنزل من الميكرو : عاليمين زكاتك ... بتتلقى الرد : نازل ؟؟



لا والله بس عم جرب صوتي

[صبحي البشيتي]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة ناهد شما عم تتفتل بسوق الموبايلات بجدة ، بصادفك شخص أجدب ، حامل نوكيا N95 وعم يسأل صاحب المحل : هاظا شاشتا إملونه ؟؟ لأ حبيبي - هات من إيدك - هاد حيونة حطولو الكاميرا بعدين موديل قديم مذيعة بيوم العيد عم تلفلف بالشوارع وتلطي على كم مواطن وتسأل وبنفس الوقت هي بتجاوب : شو بتساوي أول يوم العيد ؟ أكيد بتروح بتزور الأهل والقرايب لا والله بالعادة بفكر العب دء طميمة وماروح لعندهم نفس المذيعة بتشوف ولد بالشارع وبتساله ؟ حبيبي بتحب بابا وماما لا ما بحبهم ، بحب البوسنة والهرسك

بسم الله الرحمن الرحيم
السلام عليكم ورحمة الله وبركاته

الى الموسوعة المتنقلة .

اسئلة بطيير طبانات العقل ومثلها :

واحد بدق تلفون الساعة واحده بالليل وشو بقول
انشاء الله ما فيقتك ...وعاد هو فيقه من احسن نومه
س: ان شاء الله ما ازعجتك ... وكانه بعد هيك ازعاج في ازعاج ..... الخ

نشيطة انت ومتحركة لك مني احلى تحية, وما اطبي باهل البوسنه والهرتسك لان زوجتي من البوسنة من مدينة سرايفوا
ودمت ودام قلمك .

[ميساء البشيتي]

أولا تحية لأبن العم وزوجته من البوسنة والهرسك

وتحية لكل أهل البوسنة والهرسك

تحية لخفيفة الظل استاذة ناهد

زاويتك هذه من أحلى الزوايا ولازم ضل داوم فيها

ناهد والكلام للجميع

واحدة بتسأل شوفير الباص على وين رايح الباص يا خوي

قال لها عا الجامعة

قالت له الله ينجحه

هههههههههههههه

واحد طلع بالباص ولما وصل قال للشوفير

قديش الأجرة ؟

قال له الشوفير تسع قروش ونص

قام الزلمة اعطاه بريزة يعني عشر قروش وقال

له رجع لي الباقي تعريفة

قال له الشوفير والله ما معي فراطة

قام الزلمة قال له طيب خليني أزمر فيها

ههههههههههههههههههههه

يخلي لي اياك يا رب استاذة ناهد مثل البلسم انت

[صبحي البشيتي]

بسم الله الرحمن الرحيم
السلام عليكم ورحمة الله وبركاته
والله يا جماعة ذكرتوني بنكته لازم اكتبها

واحد احول شارك اهبل وفتحو مطعم فلافل
صار الاحول يرمي قرص الفلافل جنب المقلى والاهبل يقول تششششششششش

******
واحد احول اشترا ساندويش وطعما للي جنبه
******
واحد اعمى ماشي في الشارع ضرب بعمود رجعله بصره من كثر الفرحه انجن

[ميساء البشيتي]

واحد احول مشتهي ينام بفرشته

بيفرش الفرشة وبينام جنبها

واحد احول كل اولاده مكسورين ليش

بيلعبهم الليقفة بيرميهم بالهواء وما بيزقطهم

والله بس بدنا نخفف دم حاسين بالخنقة

ودمتم