[نجية بوحسون]

هذه مختارات من زجل منطقتنا و هي عبارة عن اقوال مأثورة للشيخ عبد الرحمان المجدوب سأعرف به لاحقا.


يا صاحب كن صبار *** اصبر على ما جرالك

أرقد على الشوك عريان *** حتى يطلع نهارك

نرقد على الشوك عريان *** و نصبر للي جفاني.
نصبر لتعوس الأيام *** حتى ياتيني زماني

ما جرى لك أي ما وقع لك من نوائب الزمن.
تعوس الأيام تعني الشدة و القساوة.
يطلع نهارك بمعنى اليسر بعد العسر و الرخاء بعد الشدة.

و يعادل معنى هذه الأبيات قول الشاعر قيس بن الخطيم

و كل شديدة نزلت بقوم **** سيأتي بعد شدتها رخاء


لا يزال في جعبتنا الكثير الى الملتقى.
كنت أود تشكيل الأبيات لأسهل القراءة الصحيحة لها لكن تعذر علي ذلك.

[نصيرة تختوخ]

جميل أخت نجية أنك فكرت في أقوال عبد الرحمان المجدوب و أتمنى أن تثري هذا الملف.
وأضيف إلى ماأوردت:
يا صَاحب كُن صَبّاراُصبر على ما جرَى لَك
اُرقد علَى الشُوك عريان حَتّى يَطلع نهَارك

لا تْخَمّمْ لا تْدَبَّرلا تَرْفَدْ الهَمْ دِيمَة
الفلك ما هو مسَمَّر و لا الدنيا مقيمة

لا تخمم في ضيق الحال شف عند الله ماوسعها
الشدة تهزم الأرذال أما الرجال لاتقطعها

سافر تعرف الناس و كبير القوم طيعه
كبير الكرش و الراس بنص فلس بيعه

لا تسرج حتى تلجم و اعقد عقدة صحيحة
لا تتكلم ختى تخمم لا تعود لك فضيحة

الصمت الذهب المسجر و الكلام يفسد المسالة
الا شفت لا تخبر و اذا سالوك قل لا لا

يا ذا الزمان يا الغدار يا كاسرني من ذراعي
طيحت من كان سلطان و ركبت من كان راعي

الشر ما يظلم حد غير من جبده لراسه
في الشتاء يقول البرد و في الصيف يغلبه نعاسه

يا الى تعيط قدام الباب عيط و كن فاهم
ما يفسد بين الاحباب غير النساء و الدراهم

لا يعجبك نوار دفلى في الواد داير ظلايل
لا يعجبك زين طفلة حتى تشوف الفعايل

حيط الرمل لا تعليه يعلى يرجع لساسه
ابن الغير لا تربيه يكبر يرجع لناسه

الي يركب يركب أشهب طرز الذهب في لجامه
الي يدور الحق يدير هراوة في حزامه

من خالط الاجواد جاد بجودهم و من خالط الارذال زاد عناه
من جاور برمة تطلى بحمومها و من جاور صابون جاب نقاه

الكاتبة تنادي و معها الخير و لو كان من بعد تجيها
و الخاطي عليك من يدك يطير رزقك من قبل ما هو فيها

ما كان كالحرث تجارة ما كان كالام حبيب
ما كان كالشر خسارة ما كان كالدين طلييب

الزيت يخرج من الزيتونة و الفاهم يفهم لغات الطير
الي ما تخرج كلمته ميزونة يجحرها في ضميره خير
تحياتي و مودتي