[يعقوب احمد يعقوب]

[frame="9 10"]

اقتباس   المشاركة الأصلية كتبت بواسطة يعقوب احمد يعقوب [align=center] شيء مهم ************* بطل عنا شيء مُهم شي نكتبه شي نضحكله شيء نرسمله شيء نبكيله وعَ اللي جوانا نحكيه شيء انحبه وإنغنيله شيء يجمعنا ويوحدنا وبوقت الشدة يسندنا شيء فيه من ريحة الأرض شيء فيه من ريحة الإم *** شيء يحضنا ويدفينا ويمسح الدمعه بعينينا ويقرصنا قرصه من الثم ويقول اضحك يا ابني اللي صارلك مش مُهم بطل عنا شيء مهم.. *** وصار الوطن الحلو غُربه وعتم وليل وخطوة صعبه واللي كان صاحبك وصاحبي معدش قلبو على قلبي وصار يشتت بدل ما يلم.. والضحكه انقلبت لدمعه والشمس اصغر من شمعه والفرحة انقلبت.. لغم *** وكلشي بارد قلبو بارد وكانه بعروقنا ميه والميه.. كانها دم.. بطل عنا شيء مهم.. *** والغربة لفت حوالينا وطفت الضي بعنينا والتاريخ.. إل كان يجمعنا انقطع عنا.. وقطعنا وال معنا... ما عاد يسمعنا والدنبا ما عاد توسعنا وكلشي صار طعمه دم بطل عنا شيء مهم.. *** وبعد ما كنا هيك كبار اسياد العالم والدار صفينا يا ذلي زغار والمواطن مثل الفار عم يركض بليل نهار ومحكوم بحديد ونار والوطن داير مندار ريحته خوف وغربه وهم بطل عنا شيء مهم *** والأمه إل وصلت للصين واللي بتعد الملايين صارت امه من نايمين والناس واقفه وعم تلطم عخدودا وصارلا سنين واتقول والله خسارة الف الف الف خسارة لو يرجع صلاح الدين.. ويلملمنا لو نلتم .....!! [/align]

ويمكن ما عدنا نهتم ...............![/frame][/frame]

[ميساء البشيتي]

الاستاذ الشاعر الرائع يعقوب أحمد

ما كل هذا الأبداع ؟؟؟

يعجز اللسان عن وصفه

شعر جميل جدا ً جدا ً

وقريب للقلب وطالع من القلب

اهنيء نور الأدب بانضمام شاعر رائع مثلك

يا استاذ يعقوب واتمنى لك اقامة طيبة بيننا

واهلا وسهلا فيك ومئة مرحبا

[يعقوب احمد يعقوب]

الاخت الطيبة ميساء البشيتي
اشكر عطر حروفك وما نثرت من زهر
لك من القلب تحية والف الف شكر
ولكم من القلب باقة عطر لا تذبل
مودتي

الاستاذ يعقوب احمد يعقوب
عندما تطل تتحول النجمة شمسا
ويكتمل الهلال بدرا
ويعبق الجو بعطرك الشذي
لك مني أجمل تحيه وأجّل احترام
تقبل مروري
مع مودتي

ليلى ابراهيم