[محمد المسفيوي]

كيف غادي ندير اشنو هو المعمول
خرجت من الدراسة ومصيري باقي مجهول
كترت علي المشاكل ومبقات عندي حلول
تسدت في وجهي الابواب ما بقا لي من قول
فشلي في هاد الحيات كانت ليه شلا اسباب
بسبابها ناض لي الشيب وشرفت وانا في عز الشباب
انا صغير ضقت جميع انواع العداب
تحملت المسؤولية مانفعني لا اهل لا احباب
سمحوا لي يا ناس لتبليت بالمخدرات والسرقة والحشيش
راكم عرفتوا ظروفي لا تلومونيش
راني كنت من الحلال انا باغي نعيش
ولكن هادي هي سنة الحيات الزهر ما عنديش
يا ربي شوف من حالي شوف كيف وليت
من هموم هاد الدنيا تالمت وعانيت
راف بحالي راني عيت وعليك وحدك شكيت
ناوي نسا الماظي لصفحتو جمعت وطويت

محمد لبزيز(اسفي)

[حسن الحاجبي]

الأخ الكريم : محمد المسفيوي
كل من عاش في الدنيا يتمنى
ويطلب من الله يسعد و يتهنى
سير , توكل , لوح اليأس وراك وتمنى
مازال طريقك يزيان
و تزول ايام المحنة

[محمد المسفيوي]

اتوجه بالشكر الجزيل للاستاد حسن الحاجبي على دعمه لي وعلى ردوده المشجعة التي ساتخدها مصباحا استنير به واشق به طريقي في سبيل كتابة فن الزجل الهادف.قصيدتي الزجلية(رجل الغد) حاولت ان اعالج فيها قضية الشباب المغربي الدي هو ضحية تهميش وانعدام التكوين النفسي والتربوي لدا فلا عجب ان نرى اليوم شبابا يتعاطى المخدرات شبابا لا يستطيعون تحمل المسؤولية شبابا انعدمت فيهم الروح الوطنية.ما وصل اليه الشباب المغربي والشباب العربي عامةهو نتيجة هدا الاهمال ونتيجة سياسة دولنا الهادفة بحيت عوض ان تشجع شبابنا على العلم والدراسة فانها تنضم مهرجانات وحفلات لا طائل من ورائها برايكم كيف سيكون رجل الغد في ظل ماتحدتنا عنه وفي ظل مانراه اليوم؟؟؟".