[ناهد شما]

اذا ما كنت شامي ( عن حأ وحأيئ ) لا تحاول تئرأ

أول ما جهجه الضو ، اجا يوسف ليشطف البيت، منشان البأ ، سكّر باب لصئاء، شلح الشحاطة منشان ما يجئجئ، و جرجر الكراسي و شئفة الزريعة ، و تكتك شلون بدو يشطف، بحبش شوي، دندل البربيش و شغل المي من الجب، سخنا عالنار لبقبقت و بربقت، و كتا بالحوش الجواني بالطاسة لانو ما عندن سطل أو ئسطل و صهريج و خرطوم،

و دعك الارض منيح من الزفر لانو دبئة ، فك الكمر ليترحرح و شلح الشلحة ، منشان ما تتشحور،

و شلفا وراه، و فشّخ فوق المي ، و دئّر شوي ، و بعدين نط بجعزة ، تفشكل بكومة دف ، و انطبش جواتا،

طبشة آآآتولية ، و انجرحت ايدو واوا حشّك ولبك، و بعئ و جعّر آخ يا يامو ، يا يابي ، واجيت امو

وبإيدا الطواية و الشمشاية و قالتلو يييي عليك ، ليش عبتحركش و تنكّش ، متل البوبو ، كنت امسوك الدرابزين، شو معمصة عيونك و مفشفش ، ئعود عالبرطوشة ، و تلقح عالزيىء ، و حاج تطرطىء و تفرتّك ، و دحتّه هديك الدحة ،

و جابتلو شئفة شرشوطة و ربطتا ، بعد ما خسلتا بالمي وعصرتا ، و طرطشت تنورتا، و أأأالتلو ئوم تغندر

وللي على أأأمتك شو نعيان , ناتع هالطول علفاضي , أاوم من وششي , هزيتللي بدني , وما شطفت البيت ,

ولا راح البأ , تضرب بيهالاااامي ,,



((((( يتحورئو على هالإيميل شو مبندء ومسرسئ سرسئة !!!! ))))

إذا بدكم ترجمة لبعض الكلمات خبروني أنا سيدة من ترجم لكم
تؤبرني هاللهجة إيش أد حلوة

[أسماء بوستة]

حبيبتي الاستازة ناهد
لك إن شاءالله تؤبري ألبي على هاالروح المرحة و على هال الادراج
صحيح أنا مو شامية عن حأ وحأيئ بس ماشي حالي فهمي منيح، يمكن فهمت شي خمسين بالمية
أداش تعطيني علامة
تسلميلي يا غالية

[ناهد شما]

[glint][glow1=66ff99][read]

[gdwl]صعيع عن حأ وحأيئ إنك حلوة

لك ريتك تشكلي آسي شو إنك مثقفة سورية

بتعرفي بعطيك عيشرة على عيشرة

تسلملي هالآمي وهالطلة يا أسما [/gdwl]

[/read][/glow1][/glint]

[نصيرة تختوخ]

شأني شأن أسماء فهمت المضمون لكني اكتشفت أن اللهجة الشامية أعقد مماأظن ههه
تحياتي لك أستاذة ناهد

[ناهد شما]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة نصيرة تختوخ شأني شأن أسماء فهمت المضمون لكني اكتشفت أن اللهجة الشامية أعقد مماأظن ههه تحياتي لك أستاذة ناهد

عزيزتي أستاذة نصيرة
المهم بالموضوع كله هو المضمون ( ابتسامة )
لهجة أهل الشام جميلة جداً كيف لو تشوفي اللهجة اللبنانية
فهي اصعب من اللهجة السورية واعتقد لهجة أهل الجنوب الصعبة اكثر
دمت بتواصلك الرائع
دمت بخير

[محمد السنوسي الغزالي]

احب اللهجة الشامية وفهمت كل مادار هنا..تحبي تمتحنيني ناهد هههههههههه شكرا لك..